GI Jane .... miðar & skýtur

2006-06-27T09:25:00.000Z

djöfull er þetta sumar ömurlegt! hvað er málið með þetta veður?

smá HM útrás

2006-06-26T16:42:00.000Z

Aðvörun: þeir sem halda með Englandi í HM ættu ekki að lesa lengra.

djöfull er wayne rooney ljótasta og leiðinlegasta barn í heimi! hann lætur eins og 5 ára ofdekrað frekju ógeðisbarn á vellinum, og stappar niður fótunum í bræðiskasti þegar hlutirnir ganga ekki upp eins og hann vill! svo grettir hann sig óstjórnlega og er hryllilega viðbjóðslegur - manni verður illt af !

ojbara ojbara ojbara ullabjakk

það ætla ég að vona að ástmaður minn, figo, buffi rooney í plokkfisk í leik portúgals og englands í 8-liða úrslitunum. og í framhaldi af því má rooney hverfa af yfirborði jarðar að eilífu, amen.

bestastur

annars er lítið í fréttum, næsta helgi verður tekin í ekta íslenska útilegu með ella og ausu, og þeim sem langar með, ekkert hefur verið ákveðið um áfangastað nema að þar mun vera besta veðrið á landinu.

2006-06-22T12:14:00.000Z

aðdáendur mínir hafa margir hverjir kvartað yfir myndasíðunni sem ég nota - hún sé eitthvað óþekk og leiðinleg. ég reddaði því auðvitað og er búin að færa allaveganna hvassaleitis myndirnar á nýjan stað.

I Hluti
II Hluti

Annars er lítið að frétta, íbúðin gengur vel - stofan er næstum því tilbúin, og byrjað verður að flísaleggja baðherbergið um helgina. þá á eftir að mála ganginn og herbergin tvö, auk þess sem eitthvað verður gert við eldhúsið.

vonandi verðum við flutt inn fyrir haustið :)

myndir myndir myndir

2006-06-17T23:41:00.000Z

vá hvað við erum dugleg að taka myndir !!! ef við værum nú alltaf svona dugleg, já þá væri sko gaman að lifa.
þetta eru semsagt fleiri myndir úr nýju íbúðinni, þetta er allt að koma - nóg vinna framundan samt.

gleðilegan afgangs seytjánda.

los fótos

2006-06-14T23:39:00.000Z

fyrstu myndir af flutningum og framkvæmdum í Hvassaleiti 12 má sjá hér. ég lofa svo að taka fleiri og betri myndir á næstu dögum og setja jafnóðum hér inn - fólki til gagns og gamans.
Sumar myndir eru soldið óskýrar, en það er af því að myndasmiðurinn ég var eitthvað að klúðra súmminu á myndavélinni, ég lofa að bæta mig næst.

adjö

Öpdeit: mér var góðfúslega bent á það af Herra T að það var ekki súmmið sem klikkaði heldur fókusinn á myndavélinni... rétt skal vera rétt!

2006-05-30T13:42:00.000Z

hér munum við BT koma til með að búa á næstunni, fáum afhent á morgun og flytjum dótið okkar um helgina!

allir velkomnir að hjálpa okkur að bera dótið okkar uppá 4.hæð - kúlurassi og þreknum lærum lofað í staðinn.

maður lifandi

2006-05-09T16:00:00.000Z

úffff þvílík hitamolla hérna niðrí bæ í gær!! fór í hádeginu á galíleó að borða, sat þar fyrir utan og þvílík stemmning, troðið af fólki allsstaðar og steikjandi hiti. það sem vakti mestu furðu mína er fyrirbæri sem er sérstaklega sjaldgæf sjón. út um allt voru ungir strákar (á mínum aldri), stundum einn stundum tveir, strollerandi um miðbæinn með sitthvoran barnavagninn og hliðartöskur með öllu nauðsynlegu fyrir barnið. Ég sé BT og JD í anda arka þvert yfir Austurvöllinn með barnavagna, til að hitta Ella bró sem stendur og veifar með lítinn orm í burðarpoka framan á sér, en þá akkúrat heyrist kallað og þarna liggur Jonni á leikteppi á miðjum Austurvelli að gefa öðrum ormi að drekka úr pela...einmitt!!!

ég dáist samt að ykkur strákar sem eru í feðraorlofi, þetta er skemmtileg sjón :)

Rassi minn seldur

2006-05-09T10:52:00.000Z

Rassi litli, fallegi fjólublái hondu civicinn minn, var seldur hæstbjóðanda í gærkvöldi. tómleikatilfinning gerði vart við sig eftir að hann var farinn, enda búinn að vera dyggur þjónn minn í rúm tvö ár.

eeeen það skemmtilega við þetta allt saman er að í morgun þurfti ég að taka strætó í vinnuna! ótrúlegt að fleiri skuli ekki nota strætó, þetta er fáránlega þægilegur ferðamáti svona í morgunsárið - sérstaklega þegar veðrið er svona gott eins og í morgun. ekkert umferðarstress, bara slaka á og horfa út um gluggann á mannlífið, ég er ekki frá því að ég sé mun afslappaðri í vinnunni í dag heldur en aðra daga ;)

en jæja fleira í fréttum, við BT vorum að taka að okkur fósturbarn, Kíkí litla (aka Högna) sem er pinkulítill gári. nú eru því 4 fuglar á heimilinu, en Högni sem er minnstur er sko enginn eftirbátur fuglafjölskyldunnar í öskrum, en hann er vaknaður klukkan 5 á næturnar og gólar mikið. skiptir þó engu hvort sé breytt yfir hann eða ekki.

íbúðamál eru enn óleyst, lítur allt út fyrir að við verðum á götunni í byrjun júní, og herra forstjóri byrjar líklega í vinnunni í næstu viku.

Myndablogg

2006-04-28T16:42:00.000Z

Myndina sendi ég

Knúið af GSMBloggi Og Vodafone

Fógetagarðurinn

2006-04-28T16:19:00.000Z

Mikið óskaplega get ég gleymt mér í vinnunni við að horfa út um gluggann, enda útsýnið ekki af verra taginu. þegar veður er gott verður mannlífið hérna fyrir utan margbreytilegt, sem og á austurvelli - en þar fer senn fram í dag forvarnarhátíð og dimissjón blindfullra menntskælinga! Eníhú, þegar ég var staðsett með lansaranum uppí Mjódd þá átti ég mér alltaf einn uppáhaldsróna (enda ekki mikið úrval, þessi settist alltaf á svipuðum tíma á bekkinn fyrir utan gluggann og teigaði hlandvolgan Bawarian bjór og reykti long sígarettur) en fógetagarðurinn er vissulega himnaríki rónanna hér í miðbænum. Þeir fyrstu byrja að tínast á svæðið uppúr 10, oftast með einn tvo bjóra beint úr ríkinu - en sumir koma í hópum með vodkapelana sína og skiptast á vænum slurkum. Merkilega er að þetta fólk er af öllum stærðum og gerðum, konur og kallar, ungir sem aldnir, og öll þekkjast þau innbyrðis. Hressandi var að fara heim til sín um 5 leytið á mánudaginn og sjá einn rónann dauðann á bekknum með opna bjórdós sér við hlið. Góður verður sopinn þegar blundurinn þrýtur.

Inn í þetta sjónarspil blandast svo útlensk fjölskylda, sem hefur setið á bekk í garðinum í nokkra daga - marga klukkutíma í senn, að glápa á stéttina, venjulegt fjölskyldufólk og dauðadrukknar unglingstelpur sem höfðu ekki hugmynd um vökult auga Jane beint fyrir ofan þær. mikið hló ég að vitleysunni í þeim, en þær voru að kasta uppá hver ætti að taka gúllara af opal-flösku.

Nú rétt í þessu varð mér litið út um gluggann og útlenska fjölskyldan er þar enn. Mín kenning er sú að þetta séu einhvers konar flóttamenn, sem búa hjá hjálpræðishernum og eru að bíða eftir einhverskonar hæli. Ég get ekki ímyndað mér að sitja á bekk allan daginn og bora í nefið sé eitthvað sem fólk kýs sér til dægrastyttingar. Oft sitja þau þrjú saman á bekk, en í morgun tóku karlinn og sonurinn sig til og fóru á annan bekk langt frá kellingunni, og þóttust ekki taka eftir henni. Hún virðist lítil í sér, enda haltrar hún um á hækju.

Ég sendi inn myndablogg af útsýninu.
Ég bið vinsamlegast alla þá sem vilja eitthvað með mig hafa að hafa samband ef þið eigið leið um miðbæinn, sérstaklega í sumar, þegar það er algjört æði að kíkja á austurvöll og sleikja aðeins sólina, en einnig er ég líka mikið fyrir lönsj-hitting.

yfir

soðnar kótilettur, ekkert krydd

2006-04-21T14:30:00.000Z

vá hvað er langt síðan ég skrifaði hér síðast, er bara að gá hvort ég kunni það ennþá.

þetta hefur gerst:
* BT besti er kominn í nýja vinnu, þar sem hann stígur hratt upp metorðastigann og verður kominn með sína eigin skrifstofu áður en langt um líður. Hann er svo að fara til Frankfurt ALEINN í byrjun maí á námskeið til að geta verið on top of things. Hann mun vera titlaður tæknimaður KIA á Íslandi, ákaflega stolt af lubbalingnum mínum.
* við BT höfum komið þremur ungum á legg, en Fúsi litli var fatlaður og þurfti að vera í spelkum í tvær vikur ásamt stífri sjúkraþjálfun. Við náðum að bjarga honum þó svo að hann sé pínu klaufalegur í dag. Eggert og Lukka eru farin að heiman enda orðin svo stór, en Fúsi greyið er enn svo mikill mömmustrákur að hann lætur mömmuna sína ennþá sofa hjá sér inní varpkassa. Þegar hann fullorðnast aðeins fer hann á nýtt heimili til ömmu BTs.
* við BT höfum selt fletið okkar, og erum að leita að nýrri íbúð - það virðist þó aðeins vera einhverjar holur eða þaðan af verra á markaðnum í dag. ef einhver lumar á 3ja-4ja herbergja íbúð með bílskúr, helst í 104/108/105 endilega bjargið lífi okkar og látið vita.
* við BT höfum fjárfest í trylltri myndavél og er það núna okkar aðal áhugamál að taka myndir af öllu og engu. við teljum okkur að sjálfsögðu getað orðið einstaklega hæfileikarík á þessu sviði eins og öllu öðru, en viljum þó taka það fram að hljómsveitin okkar er ennþá virk og öll þessi kaup á hljóðfærum undanfarið er ekki til einskis!
* litla æskuvinkona mín úr sveitinni hún tinna hefur alið barn og trúlofað sig í þokkabót. það virðist í tísku að þroskast og gifta sig og eignast börn, enda yngist maður víst lítið með árunum. tvær vinkonur down, one to go - hver ætli verði næst múhahahhahahahahaaaaaa
* við BT erum hins vegar ekki búin að ná þessu þroskastigi ennþá, og til marks um það munum við halda á hróann í sumar til að marinerast í kokteilum og tónum misgóðra tónlistarmanna. Gringo's verður heimsóttur aftur, og ég vona vona vona að veðrið verði jafn yndislegt og í fyrra (hæpið þó)
* ég er svo flutt með vinnunni niðrí bæ í gamla landsímahúsið við austurvöll og finnst það alveg frábært!
* fjölskyldan mín mun stækka um einn í haust, þegar bróðir minn og spúsa hans munu koma enn einu afkvæminu í heiminn.

eníhú, það virðist sem nokkrir miskilji heitið á þessu bloggi en "miðar og skýtur" er ekki skírskotun í heimsókn á postulínið, heldur er hér auðvitað verið að tala um einstaka her-hæfileika mína, einkum á sviði skotvopna.

lofa engu, en skal reyna að skrifa meira í framtíðinni...
yfir

loxins loxins

2006-02-23T14:40:00.000Z

úff jæja það þýðir víst ekki að fresta lengur bloggfærslu, orðið alltof langt síðan og margt búið að gerast auðvitað. ungarnir stækka óðum, fara bráðum að kíkja út úr kassanum sínum, hér er sæt mynd af þeim:

sést samt bara í rassinn á Fúsa, því Eggert og Lukka vilja nota hann sem kodda :(

nú svo seldum við sófann okkar og keyptum okkur nýjan, sem er algjört æði - hrikalega mjúkur og mikið pláss svo við hjúin getum teygt úr okkur í allar áttir ahhhhhhh lovv itt

júró fór sem fór, skemmtilegt atriðið hennar silvíu nótt, en þetta mun aldrei koma til með að komast uppúr forkepnninni, en hey! gaman að vera með bara :)

bachelor kvöld hjá dísu eldri og dísu yngri í kvöld, matargestir í skipasundið á morgun og afslappelsi það sem eftir er.

óskarsverðlaunin nálgast, og nú eru bara tvær myndir eftir sem ég þarf að sjá fyrir það kvöld...

adíósss

breytt plan

2006-02-08T14:26:00.000Z

ég hef ákveðið það að þegar sá svartnættis bölsótans bjévítans dauða og djöfuls dagur 6.júlí 2010 rennur upp, að í staðinn fyrir að henda mér fram að kletti, eða missa hárblásarann 'óvart' ofaní baðið, eða 'óvart' tengja slöngu úr pústinu inní farþegarýmið á bílnum mínum, eða 'óvart' detta framan á kjötsögina... þá ætla ég að verðlauna mig í staðinn fyrir að ná að lifa af þrjátíu ára afmælið mitt og gefa sjálfri mér glænýjan volvo S80 og elska hann og dá það sem eftir er. ég ætla að byrja að safna núna, því þessi bíll er víst ekki gefins, og aka honum burt úr brimborg strax við opnun þennan dag. ég er að vona að þetta muni hjálpa mér við að sættast við þá hræðilegu staðreynd að þá verði ég orðin GÖMUL KONA!

ég ætlaði að setja inn mynd af þessu djásni en þetta blogg drasl vildi ekki hlýða, svo þið getið skoða bjétur hér

af hinu og þessu

2006-02-06T13:40:00.000Z

afskaplega góð helgi að baki, eyddi fimmtudagskveldi í faðmi dísu eldri og dísu yngri, og þar var nú ýmislegt skrafað eins og gefur að skilja - föstudagskvöldinu var svo líka eytt í faðmi dísanna, enda er þar ákaflega gott að vera :) á laugardeginum flúði dísa eldri þunnildið heima hjá sér og bjargaði mér frá þunnildinu heima hjá mér og við skelltum okkur í stuttan en afar góðan Ikea rúnt, og komum við hvorugar tómhentar heim :) maður finnur alltaf eitthvað til að kaupa í þessari blessuðu búð, sumt nauðsynlegra en annað...

við BT skelltum okkur svo í fimm bíó og sáum hina stórgóðu og skemmtilegu Walk the line, hún fær fullt hús stiga.

gripum svo með okkur kínverskan og átum yfir misgóðri júróvisjón, sylvía nótt var að sjálfsögðu snilld og bjargaði aldeilis kvöldinu. við tókum svo góðan kvöldrúnt um höfuðborgarsvæðið áður en heim var haldið í kósí fyrir háttinn :) við erum best!

sunnudagurinn var rólegur og fór í kúr, lestur og sjónvarpsgláp, auk þess sem systir mín kom með barnaskarann í ungaskoðun, systkinin Eggert, Lukka og Sigfús kallaður Fúsi voru prúð og góð og sprikluðu svoldið fyrir gestina, þeim til mikillar gleði.

eftir mat í gær fórum við svo aftur í bíó, enda ekkert nema stórmyndir þessa dagana í kvikmyndahúsum borgarinnar, við erum líka að búa okkur undir óskarinn - sáum að þessu sinni Munich sem er líka stórgóð alveg hreint, og fær einnig fullt hús stiga frá röggunni... ekki slæmt það.

þá er næst á lista Capote og Constant gardener, þá held ég að ég verði þokkalega undirbúin fyrir óskarinn...

að lokum, mikið óskaplega er fresca gott sluurrrrppppp
og að allra allra lokum, bachelorinn byrjar á fimmtudaginn!

Eggert og félagar

2006-02-05T12:48:00.000Z

jæja fleiri fréttir af fuglauppeldi, Eggert er búinn að eignast systkini! Á föstudaginn kom Lukka litla í heiminn og í gær laugardag leit Fúsi litli dagsins ljós. og mikið eru þau ný myndarleg og sæt! þetta verður skemmtilegur systkinahópur, en enn eru eftir tvö egg, svo það er aldrei að vita nema hópurinn eigi eftir að stækka.

ðats all!

Dagurinn í dag er enginn venjulegur dagur.

2006-02-01T11:57:00.000Z

Í dag, miðvikudaginn 1.febrúar 2006, fæddist Eggert Skúlason (eða semsagt hann braust út úr egginu sínu). Móðir heilsast vel, en Eggert er svo nýr að hann er eiginlega bara húðpoki með vængi og gogg, en engar fjaðrir. Nú bíður hann, ásamt foreldrum sínum, spennt eftir hinum systkinunum sem ættu að láta sjá sig á næstu sólahringum.

Mér er tjáð að Eggert sé svoldið veiklulegur og viðkvæmur, enda ekki skrítið þar sem hann er búinn að hýrast í sirka 3x2cm stóru eggi í 3 vikur.

Húrrrra fyrir pylsugerðarmanninum!

Ég set svo inn myndir um leið og hægt er að trufla þau við uppeldið.

gleði gleði gleði

2006-01-25T14:43:00.000Z

það kannast kannski einhver við þessa upphafssönglínu hér að ofan, allavega ef þið hafið farið í kristilegar sumarbúðir á Eiðum, sem ég hef gert... nokkrum sinnum.

eníhú þar sem það ríkir almenn bloggleti á mínu heimili, þá vil ég samt ekki valda aðdáendum mínum vonbrigðum. því set ég hér inn mynd af okkur BT þegar við vorum að kynnast, tekin á hvebbanum ca. snemma vors 2003 ef ég man rétt, og eins og sjá má erum við soldið feimin og lítil í okkur (sérstaklega BT, enda þekktur fyrir slík persónueinkenni :) strííííðn) ég vil samt nota tækifærið og afsaka klæðnaðinn á mér, en þetta tískuslys orsakast af bleiku þemakvöldi hjá Las chikas, en afrakstur þess má svo sjá á neðri myndinni. þessum myndum stal ég frá tintin, sem mig grunar að hafi sjálf stolið þessu af visku síðunni sem var og hét?

njótið vel!

ó men ó men ó men!

2006-01-19T12:52:00.000Z

hvað haldiði krakkar?!? við BT erum að verða amma og afi!! undir feita, en örugglega hlýja og mjúka, rassinum hennar ólafar hvíla 5 ákaflega myndarleg egg!!! ohhh ég er svo stolt af þessum snilldarfuglum, þau er svo ótrúlega klár !!! og nú er bara að bíða og sjá hvort ekki komi ungar úr einhverjum eggjunum, mikið yrði það dýrlegt að hafa nokkra litla unga gargandi í kotinu, þetta er hátíðisdagur!
ég læt fylgja mynd af hjónakornunum sem eru að stofna sína fyrstu fjölskyldu.

dónabörn

2006-01-09T17:36:00.000Z

já við BT höfum komist að því að við höfum alið upp dónabörn! þau skúli og ólöf eru heldur betur að lifa lífinu þessa dagana, hreiðurgerð í fullum gangi - voða sætt halda margir ... en nei nei, þessir dónafuglar eru endalaust að 'njóta ásta' nema þetta er ekki að njóta ásta heldur argasta klám, við hjónin förum hjá okkur og blygðumst okkar við að horfa á þetta. þau eru ekki húsum hæf og ekki hægt að bjóða gestum uppá svona sjó, spurning um að kaupa tjald til að draga fyrir þegar herlegheitin byrja. það er eins gott að við fáum dansandi fallega og skemmtilega unga út úr þessu sem fyrst, svo við getum tekið varpkassann í burtu og setið inni í stofu án þess að roðna niður í tær.

jæja þetta er kannski soldið ýkt en kynmök fugla eru sérstaklega spes, þau eru ekki feimin við að hossast fram og tilbaka á stönginni sinni fyrir framan foreldrana. hvað varð um siðferðið í þessu uppeldi okkar?

blablablabla

2006-01-04T15:54:00.000Z

gleðileg jól og árið, nenni ekki að skrifa mikið. yndisleg jól, fríið mitt enn betra, hlakka til nýja ársins - verður án efa besta árið til þessa. ég er ótrúlega hamingjusöm með lífið og tilveruna og hananú!

megi ég, BT, vinkonur, vinir og ekki síst fjölskyldan mín lengi lifa húrra húrra húrrrrraaa

Myndablogg

2005-12-18T04:18:00.000Z

Helga nybùin ad segja frægum íslenskum leikara ad hùn sè med svoldid ì buxunum

Myndina sendi ég

Knúið af GSMBloggi Og Vodafone

Myndablogg

2005-12-13T15:24:00.000Z

Myndina sendi ég

Knúið af GSMBloggi Og Vodafone

skotland.. hvað er nú það? eitthvað oná brauð?

2005-12-13T14:22:00.000Z

geðheilsan verður í gjörgæslu fram að næsta VISA yfirliti, huxunin er sú að ef ég verð nógu vel undirbúin þá þurfi ég ekki að leggjast inná geðdeild... það var semsagt verslað frá sér allt vit í glasgow um helgina, strunsað fram og tilbaka um búðirnar frá 9 á morgnana til 5 á daginn, maður var orðinn alveg tjúllaður af verslunaræði - en auðvitað var það alveg sérstaklega gaman. sérstaklega þegar maður hafði fengið sér 1 - 2 hvítvíns/rauðvíns glös með hádegismatnum, þá var maður aðeins duglegri við að taka upp kortið. við dekruðum svo við okkur á kvöldin, fórum fínt út að borða og sonna, voðalega kósí alveg hreint.

glasgow kom mér mjög á óvart, fannst þessi borg alveg meiriháttar (kannski af því að margir voru búnir að vara mig við því að hún væri grá og leiðinleg), en hún iðaði allavega af lífi, fáránlega mikið af fólki, fallegar skreytingar, frábærir veitingastaðir, við fórum meirað segja í leikhús og váááááá hvað það var flott sýning össs össsssss íslensk leikhús ættu að skammast sín!

en mikið er gott að vera búin að versla nánast allar jólagjafirnar (á bara þrjár litlar eftir) vanalega er ég á aðfangadagsmorgni enn að klára síðustu pakkana, en óseisei ekki þessi jól ... ég get því slappað af og verið alveg kærulaus fyrir þessi jól.

skömm í hattinn fær icelandair fyrir að bjóða fólki uppá 5 daga gamalt skinkuhorn á leiðinni heim (og ekkert annað!!!), þvílík hneisa, og fyrir manneskju eins og mig sem eeeelskar flugvélamat voru þetta mikil vonbrigði (ég var næstum með tárin í augunum)... skil þetta ekki alveg, við fengum svaka fína ommilettu með hálfu svínslæri og kartöflum á leiðinni út greeeeeenj. ég vona að miss icelandair Tinna B taki málin í sínar hendur takk fyrir og hananú

tók því miður engar myndir í ferðinni, en ég rakst á helga kaftein í mjóddinni í gær þar sem hann var að vinna við póstafgreiðslu. ég skelli þeirri mynd inn í staðinn bara :)

Longyearbyen, Svalbarða

2005-12-06T13:14:00.000Z

já mig dreymdi semsagt í nótt að ég væri búin að ákveða að flytja á(til?) Svalbarða. hvorki meira né minna. þar ætlaði ég að vera í minnsta kosti ár, það vakti samt ekki mikla hrifningu foreldra minna. það sem ég hafði mestar áhyggjur af var að það væri enginn matur þar yfir vetrartímann nema bara fiskur, svo að ég var búin að ákveða það vera alltaf með nóg af kjeti í frystinum, hangikjet, súpukjet og hamborgarhrygg...ótrúlega hagkvæm.... en mér er spurn hvað þýðir þessi draumur eiginlega? nú eru aðilar sem eru vel að sér í draumaráðningum af þessu tagi beðnir um að sitja ekki á skoðunum sínum og upplýsa leyndarmálið...

læt fylgja með til glöggvunar mynd af Longyearbyen, sem er höfuðstaður Svalbarða, en þar hafði ég huxað mér að búa :/

takk fyrir góðan daginn.

mikið grín, mikið gaman

2005-12-05T11:50:00.000Z

mæli með þessum leik, við BT erum nánast búin að liggja yfir honum alla helgina - ótrúlega skemmtilegt össssssss
helgin var góð, rauðvín og ostar á föstudaginn, afslappelsi, líkamsrækt og búðarráp á laugardeginum, jólahlaðborð á hótel sögu með familíunni um kvöldið. það var svaka stuð, gott að borða og mikið drukkið og dansað :) við BT enduðum svo hjá jóanum í afmæli áður en gengið var heim á leið. sunnudagurinn því handónýtur eins og gefur að skilja.

horfðum á nýjasta lost þáttinn í gær og shitturinn titturinn mellan og hóran hvað hann var spennandi, ég fékk gæsahúð og allt undir lokin, get ekki beðið eftir næsta þætti! hólí mólí

svo er það bara glasgow á fimmtudaginn! ó mæ godd hvað ég hlakka til, er samt ekki ánægð með veðurspánna... ég meina hver pantaði rigningu og snjókomu þegar raggan og emilína indjánamamma koma í bæinn? hvað er í ykkur?

dvergur

2005-12-01T09:48:00.000Z

fallega og fræga parið fór út að borða í gær á vegamót, maturinn klikkaði ekki þar frekar en vanalega, æ hvað það er gaman að bregða sér af bæ svona einstaka sinnum - hlakka mikið til þegar BT er búinn með námið, þá getum við farið út að borða á hverjum degi!!! eða nei annars, kannski ekki svo oft, því þá fær sú snilligáfa sem ég fæddist með ekki að njóta sín í eldhúsinu... en allavega svona einu sinni í viku. við fórum síðan í kaffi til ömmunnar, sem var í raun soldið vanhugsað því það þýðir lítið að koma pakksödd í heimsókn til hennar, alltaf einhverjar kræsingar í boði og maður kemst ekki upp með neitt múður. ég píndi ofan í mig eina rjómapönnuköku, og þegar hún hafði runnið oní maga spurði amman hvort ég vildi ekki síðustu pönnsuna, en ég afþakkaði pent - sagðist vera að springa ég væri svo södd. þá sagði sú gamla: 'nú hvað má þá bjóða þér? köku? kex og osta?' hún er alveg kostuleg!

Leifur tengdapápi á afmæli í dag hibb hibb húrrraaaaaa hibb hibb húrrraaaa til hamingju með það - ef þú lest þetta ;) afmæliskjetveisla í kvöld namminaaaammmmm

annað kvöld verður síðan hið margrómaða kósíkvöld BT og Jane, dýrindis kveldmáltíð, rauðvín og ostar með dólinu, og síðan ætlum við að setja upp jólaskreytingar jibbbbííí loxins!

og já ! nýjustu fréttir af óargardýrunum okkar (sem bráðum lenda í salati með jólamatnum ef þau byrja ekki að haga sér) það er eitthvað merkilegt í gangi þar, þau eyða flestum sínum stundum inní varpkassa, skúli dundar sér þar mikið einn (sem er mjög óvanalegt) og ólöf tekur til (opnar þakið með hausnum og hendir út gömlum fjöðrum), æ þau eru svo snyrtileg þessar elskur. vonandi er eitthvað að gerast loxins, og kannski kemur egg :)

erum við ekki sæt hjónin :)

2005-11-30T10:22:00.000Z

held að ég hafi náð okkur bara nokkuð vel ....
þeir sem vilja leika sér geta gert svo hér

framhald

2005-11-29T10:52:00.000Z

ég var svo auðvitað eiturhress á laugardeginum, fór meirað segja í bæinn og í kringluna - við hjónin mættum svo í fordrykk fyrir árshátíðina hjá Almenna bílaverkstæðinu uppúr 6, síðan var haldið á Hótel Sögu. svaka flott jólahlaðborð, gegggggjaður matur (ég borðaði yfir mig, helmingi meira en BT og eyðilaggði þar af leiðandi fyrir mér kvöldið - ég arkaði um eins og ég væri komin 9 mánuði á leið, og átti virkilega erfitt með að standa) spaugstofan var með grínsjó og voru bara frekar fyndnir, hljómsveit hússins spilaði svo fyrir dansi fram eftir nóttu... tvífari Algríms Arnalds átti dansgólfið, dansaði eins og vindurinn og við gerðum dauðaleit að Algrími sjálfum, ef hann skyldi vera á staðnum líka... skuggalega líkir :/ þetta var annars allt svaka skemmtilegt þó svo að það hafi komið í minn verkahring að setja BT á öxlina undir lokin og bera hann heim.

Við fórum svo í fallega skírn á sunnudaginn og veislu í kjölfarið, til hamingju með nafnið Aðaldís Emma kjútípæ !!

voðalega er þetta eitthvað erfitt...bloggið sko

2005-11-29T10:48:00.000Z

jæja tvistarahelgin liðin og var hún bara ekkert slæm, ég er orðin svo dönnuð í drykkjunni að það hálfa væri nóg. jólahlaðborðið hjá landsbó var fínt, fannst samt frekar glötuð hugmynd að maður átti að draga númer sem sagði til hvar maður ætti að sitja, þekkti bara einn á mínu 10 manna borði og "kurteisis-hæ-hvað-heitir-þú-og-hvað-geriru" samtöl eru ekki mín hugmynd um skemmtun. Finnst fátt leiðinlegra en þvinguð samtöl. þetta varð auðvitað til þess að ég hafði ekki lyst á áfengi og var því komin heim í skipasundið uppúr 1, en þar var BT með vinum sínum í góðu glensi. Þeir fóru svo í bæinn en ég skreið uppí rúm og svaf vært meðan ég dánlódaði lost, prison-break, desperate housewifes og OC þáttum :)

2005-11-29T10:47:00.000Z

hvað er í gangi í eldhúsinu?

2005-11-25T13:07:00.000Z

verð að sýna ykkur þessa yndislegu mynd af okkur svilsíunum síðan úr sumarbústaðaferðinni, hef sjaldan séð það fyndnara... myndin er í eigu ausu, ég birti hana í óleyfi :)

þetta er birt ykkur kæru lesendur í tilefni helgarinnar, fyrsta aðventan, jólabjór og jólamatur, skemmtum okkur vel og verum vinir! og reynið að vera jafn fyndin og við ausan, já reyniði bara...

næring í æð

2005-11-24T16:10:00.000Z

aahhhhhh fékk vænan skammt af estrógeni beint í æð í gær og mikið var það nú fínt... fór í saumaklúbb hjá Rakel þar sem við hittumst gömlu réttópíurnar og það var etið og blaðrað fram á nótt... var farin að sakna soldið slúðurs og stelpupælingum eftir:
a) 1 1/2 árs vinnu í deild þar sem starfsfólkið er 80% karlmenn
b) vinkonuleysi (allír í útlöndum eða í barneignum) - þökk sé guði fyrir auði!
c) miklu djammi undanfarið hálfa árið með vinum hans BT

ég ætla að gefa mér það að ykkur langi til að sjá alla myndina sem ég setti inn hérna í fyrri færslu, en ekki bara mig útklippta (þótt að ég sé auðvitað aðalatriðið á myndinni) hún var tekin í færeyjum um versló, en þar var ákaflega gott og gaman að vera, húrra fyrir kökugerðameistaranum!

kútarnir mínir múheheheheheheeeeee

nafnabreyting

2005-11-22T14:08:00.000Z

ég mun hér eftir vera þekkt undir nafninu R.Helga Ragnarsdóttir, og krefst þess að vera ávörpuð þannig í framtíðinni.

þar hafið þið það.
góðar stundir.

dolli dropi

2005-11-21T14:25:00.000Z

helgin var alveg frábær! yndislegur endi á rólegum helgum undanfarið, enda góð hvíld nauðsynleg fyrir þær helgar sem framundan eru. föstudagskvöldið var kósíkvöld hjá okkur BT, smökkuðum tvær tegundir af jólabjórum (Egils og Viking) og horfðum á dólið (Viking hefur vinninginn, held ég, man ekki hvor var hvað). laugardagurinn var tekinn í smotterís þrif í íbúðinni á meðan BT var að læra, við mútta skelltum okkur svo í smá jólaleiðangur með Teiti litla frænda, fórum í blómaval og ég keypti smá í jólaskreytingu. inní blómavali er komið dýralandsútibú og ég fór með Teit að sýna honum dýrin, hann vildi endilega sjá mús svo að ég fór með hann að músabúrinu/hamstrabúrinu (þetta er allt það sama) og byrjaði að þylja upp allskonar dót um að litla músin væri sofandi og bla bla bla... leit svo við þá var Teitur löngu búinn að stinga mig af útúr búðinni og hópur af fólki glápti á mig tala við sjálfa mig... ákaflega imberressíng! eins gott að ég eigi ekki börn, væri búin að týna þeim öllum, á það til að detta algjörlega inn í minn eigin heim :/

hápunktur dagsins: fengum snemmbúna jólagjöf frá elskulegum ma&pa, whirlpool uppþvottavél!!! við horfðum dolfallin á hana vinna sína fyrstu vinnu á laugardagskvöldið, ótrúlegur lúxus, núna er alltaf hreint í eldhúsinu!! ég keypti svo líka glænýja ryksugu því hin var alveg hætt að virka. ég bara skil ekki hvernig við gátum lifað í skipasundinu fyrir þessa helgi ;)

sunnudagur fór svo í dekurdag hjá múttu og pápa, því ég vildi leyfa BT að hafa íbúðina fyrir sig til að læra... ég get verið soldið truflandi (hlæ og tala upphátt með sjónvarpinu t.d. - fyrir utan endalaust söngl í mér, sem er ekki vinsælt víst), og ég saumaði og saumaði og saumaði jóladagatal handa okkur BT :) það er reyndar doldið mikið eftir af því, en ég stefni á að klára þetta fyrir fyrsta des, súkkulaðimolar ættu að ná manni framúr rúminu á morgnana í desember vona ég.

Annars er lítið í fréttum, hlakka ógurlega til þegar BT er búinn í prófum því þá er svo gaman :)

jólanissen

2005-11-18T11:10:00.000Z

fyrir ári síðan kynnti ég ykkur fyrir vini mínum Julenisse, og er því við hæfi að kynna hann aftur fyrir ykkur enda rétti tíminn. Hann er því mættur hér til hægri.

Helgin verður afar róleg, ég ætla að vera andlegur stuðningur fyrir BT því hann er að fara í stærðfræðipróf á þriðjudaginn. Síðan erum við mútta búnar að plana morgundaginn í jólastúss, föndra aðventukrans og sonna enda fyrsta aðventan næstu helgi. ágætt að taka síðustu helgina fyrir alla vitleysuna sem er framundan, í slökun :)

óverr

djísus merí end djósep...

2005-11-17T12:20:00.000Z

hvað það verður mikið að gera hjá okkur hjónunum í samkvæmislífinu í lok nóvember og allan desember... ég veit eiginlega ekki hvernig við eigum eftir að lifa þetta af. en hér kemur dagskráin:

25.nóv - Jólahlaðborð hjá mér í lansanum/Próflokadjamm hjá BT
26.nóv - Árshátíð hjá Almenna bílaverkstæðinu
27.nóv - Skírn hjá rúsínu litlu

3.des - Jólahlaðborð með familíunni minni

8.-11.des - Glasgow ferð með múttu, verslað fyrir allan peninginn, út að borða öll kvöld og leikhúsferð!

16.des - BT minn sætasti og besti á afmæli
17.des - HelguHittingur 2005

24.des - jóóóóól jibbbbííí

ekki má svo gleyma laufabrauðsbakstri, konfektgerð, jólaskreytingum og jólaföndri allan desember mánuð! og auðvitað bjór-spila-pókerkvöldum milli jóla og nýárs, og eins og allir vita verð ég í fríi öll jólin :) :)

æ hvað er gaman að lifa eitthvað ;)

2005-11-15T10:57:00.000Z

ég snúsaði í tvo og hálfan tíma í morgun :| held það sé ekki í lagi meðmig, og ég sem átti að sjá um að við myndum vakna snemma... ætluðum sko að skella okkur í ræktina, mjög raunsæ við hjónin.

ehhhh....

2005-11-11T16:02:00.000Z

Viðskiptajöfur

Þú ert nýjungagjörn, yfirveguð félagsvera.

Það fyrsta sem viðskiptajöfurinn hugsaði þegar Ólafur og Dorrit trúlofuðust var hvaða áhrif það myndi hafa á gengi íslensku krónunnar. Honum finnst Donald Trump vera svalur... líka peningaklemmur. Hann ætlar, er, var eða vildi að hann hefði verið í Versló - en ekki söngleiknum.

Viðskiptajöfurinn tekur ákvarðanir með heilanum en ekki hjartanu og þarf að hugsa sig um þegar einhver spyr hann: "Peningana eða lífið!?" Hann hefur stáltaugar og getur lagt allt undir og í framtíðinni verður viðskiptajöfurinn annað hvort moldríkur - eða staurblankur.

Það er toppurinn að vera í teinóttu.

Hvaða tröll ert þú?

ég ætti kannski að fara að tala við bjögga thor félaga...

ég man þegar ég sá fyrst papriku

2005-11-11T12:02:00.000Z

er aðeins búin að laga linka dótið mitt hérna til hliðar, hann mun vera í stöðugri endurskoðun á næstunni, bætti við nokkrum nýjum og flokkaði þetta svona skemmtilega.
lítið að frétta, við BT erum búin að vera ótrúlega dugleg í ræktinni þessa vikuna enda erum við ákaflega hrifin af Laugum. shæse hvað Hreyfing er oggupoggu lítil - sést varla - miðað við þetta gímald, huxa sér.

keilumót á eftir, pin punishers munu rifja upp gamla takta sem fleytti þeim í 3.sæti í landsbó-keilumótinu síðasta vetur, nú er að duga eða drepast og munu nýfundnir vöðvar mínir án efa bera okkur langt ;)

svo hef ég tekið að mér vinnu í brúðkaupi á morgun, yfirkokkurinn snýr aftur betri en nokkru sinni fyrr. gott að nýta helgarnar í eitthvað á meðan BT er í prófum, því svo byrjar stíf dagskrá í lok nóvember og út des, jólahlaðborð, árshátíð, jólahlaðborð, glasgow, afmæli og svo jólin!!!!

og já var ég búin að nefna það að ég verð í fríi um jólin??? jíhhhaaaa þá verður sko sofið :) allir velkomnir í piparkökur og jólaöl í skipasundið þá!

ps. sá sem veit hver sagði þessa fantagóðu setningu fær koss að launum

uppvakningar

2005-11-09T11:05:00.000Z

það er alltaf jafn leiðinlegt að sofa yfir sig. vekjaraklukkusíminn minn tók uppá því að deyja í nótt án þess að láta kóng né prest vita, og síminn hans BT var útí bíl svo hann var ekki stilltur til vakningar þennan morguninn. vaknaði ótrúlega velúthvíld en soldið hissa yfir því hvað það var bjart úti, og þegar við litum á klukkuna þá var hún um 10. ég sem átti að vera á námskeiði frá 8.30 í morgun :( jæja ég fer þá bara í fyrramálið í staðinn. en nú er mér spurn, erum við BT svona ótrúlegar svefnpurkur að við getum sofið og sofið án þess að hafa hugmynd um hvað klukkunni líður og leggja allt traust okkar á eina skitna vekjaraklukku? nú veit ég til dæmis að mamma og pabbi nota aldrei vekjaraklukku, þau vakna bara alltaf á réttum tíma! hvernig er það hægt? líkami þeirra veit bara að klukkan er 7 og þá á maður ekki að sofa lengur... og þegar þau eiga að vakna extra snemma, t.d. vegna ferðalaga, þá er ég látin í það djobb að stilla vekjaraklukkur og virkja símavekjaraklukkuna góðu. kannski er þetta bara áralangar og strangar æfingar sem skila sér svona, ætli við BT verðum farin að vakna alla morgna án vekjaraklukku eftir hátt í 40 ára hjónaband?? hólí mólí

en mikið hata ég samt vekjaraklukkur. virkar eða óvirkar. þegar þær eru virkar þá vekja þær mann með látum á ókristilegum tímum, og maður bölvar þeim fyrir að dirfast að vekja mann upp af fegurðarblundinum sínum, en þegar þær eru óvirkar þá bölvar maður þeim fyrir að hafa ekki vakið mann upp á réttum tíma. maður lifandi, þetta tæki fer beint í þriðja sætið á 'það-sem-ég-þoli-ekki-en-verð-að-gera' listanum mínum, beint á eftir að tannbursta mig og fara á klóssettið.

ég er gáfnastrumpur....

2005-11-08T16:21:00.000Z

Find your inner Smurf!

... en ekki hvað??

hvað er í gangi í eldhúsinu?

2005-11-04T09:11:00.000Z

nákvæmlega svona leit ég út eftir að hafa horft á bachelor þáttinn í gær. ákaflega hissa, ég sofnaði hissa og ég vaknaði hissa, mig dreymdi þetta í nótt - hissa. ég veit ég er klikkuð, en þetta var bara svo mikið sjokk. ég ætla ekki að segja meira því BT á eftir að horfa á þáttinn og ég vil ekki eyðileggja fyrir honum ;) en ég verð lengi að jafna mig á þessu og hlakka til næsta þáttar til að heyra vott vent rong!

jæja, en veikindin eru mjööög hægt að yfirgefa skipasundið, sofum samt hvorug vel vegna hóstakasta og hálsbólgu, hita og kulda til skiptis - ég t.d. sofnaði í gær í flíspeysu og dúnsokkunum mínum með tvær sængur! takk fyrir góðan daginn.

veit ekkert hvað verður úr þessari helgi, adjö!

ff

2005-11-02T00:05:00.000Z

já það hlaut að koma að því, skrítið að ég læri aldrei - en það þýðir víst lítið að berja niður flensu frænku þegar hún lætur sjá sig... og halda að þá muni hún hverfa að eilífu. vandinn er nefnilega sá að maður frestar bara glímunni við hana. semsagt kom veik heim úr sumarbústaðnum, fyrir utan hálsbólgu og beinverki, þá söng ég ofan í þetta allt saman mínum yndisfagra svanasöngli og missti röddina. þetta er nú samt allt að lagast, versta er að við hjónin erum bæði búin að liggja veik og sváfum til klukkan 1 í dag, sem þýðir auðvitað eitt: ég er stjörf núna og ekki vitund þreytt :( þarf samt að vakna snemma í fyrramálið til að mæta námskeið, svo að morgundagurinn verður mjöööööög erfiður.

smá innskot: ég mana alla þá sem horfa einhvern tímann á þættina Deadwood til að telja hversu oft er sagt orðið 'fuck' í einum svona þætti... þetta er eiginlega frekar súrt og fer alveg ótrúlega í taugarnar á mér, þetta er sagt í öðru hverju orði, og þetta fer ekki í pirrurnar á mér af því að ég 'roðna' eða 'blygðast' mín við að heyra þetta orð heldur á þetta gerast í villta vestrinu og ég efast um að fólk á þessum tíma hafi sagt fuck í gríð og erg... hmmmm haaaaa fokk fokk fooookkk

sumarbústaðaferðin var aftur á móti yndisleg, höfðum það afar náðugt á föstudagskveldinu eftir mjög svo langa keyrslu, vorum einhverjar 40 mínútur bara uppað litlu kaffistofunni, færðin var ömurleg og umferðin einnig. vorum semsagt komin um átta leytið á föstudagskvöldi, og þá voru auðvitað tekin upp spil og spilaður póker, svarti jón og gúrka, áður en rauðvín og ostar voru teknir upp og smjattað á yfir prison break þáttunum. ég mana bæ ðe vei alla til að horfa á þessa snilldarþætti, þvílík spenna hvert þó í hoppandi!
vöknuðum og fórum beint í pottinn eftir morgunmat, og svo var seinni leggjan tekin stuttu eftir það. ells&aus komu svo í svínasteik og meððí, heppnaðist ákaflega vel nammi naaaaaaammmm. eftir nokkur spil var farið í singstar og skoðaðar myndir áður en fólk fór að lognast útaf eitt af öðru uppúr hálf sex. það sem stóð þó uppúr var allt halloween dótið sem elli og ausa komu með, þau gerðu óendanlega lukku! hlakka svo til að sjá myndirnar, því ekki voru bara morð framin þarna uppfrá, heldur mætti grissom einnig á staðinn og tók myndir af líkunum og svo auðvitað sönnunargögnum. einnig mættu margar skrítnar persónur til leiks, og eins og gefur að skilja var vitleysan endalaus :) :) gaman gaman

jæja ég ætla að reyna að sofna (ps. held að það sé verið að fremja morð hérna á efri hæðinni, æm skerd )

svo virðist vera...

2005-10-28T08:29:00.000Z

en ég er ekki alveg viss... en ég virðist hafa slegið slappleikann lítið eitt á bak aftur, allavega líður mér ágætlega í þessum töluðu orðum, en dagurinn er jú allur framundan og því er ég mætt til vinnu vopnuð heilu spjaldi af verkjatöflum og hálsklút!

ég bakaði eins og vindurinn í allt gærkvöld, skúffuköku - brauðbollur - kryddbrauð, og svo náði ég að gera 50 kanelsnúða á hlaupum (bókstaflega) í auglýsingahléum í bachelornum, shittt hvað ég er dugleg! og talandi um bachelorinn: hvað gerðist eiginlega í þessu náttfatapartýi??? hann var nú með eitthvað samviskubit gamli leikskólafélagi minn hann Steini, ætli hann hafi viljað losna við hana til að hún myndi ekki kjafta?? "Fingur út um allt og tásur uppí rass" hafði ein stúlkan á orði eftir pottapartýið... afar áhugavert, ég hefði ekki viljað vera dauð fluga í þeim vatnspolli. allavega voða gaman og ég held með írisi :)

eftir vinnu er það beint heim, setja krem á skúffarann, pakka, með skúla og ólöfu í pössun til ömmu sinnar og afa í ánalandi, sprikla í Hreyfingu og svo brummm bruuuuummm uppí sumarbústað jíhhaaaaa góða helgi allir saman!

Jane over

slappleiki oj oj oj

2005-10-27T13:05:00.000Z

já óvæntur slappleiki hefur heimsótt skipasundið, við hjónin vöknuðum bæði ansi slöpp í morgun, BT verri en ég samt enda varð hann heima. ég dreif mig í vinnuna, er búin að gleypa verkjalyf til að halda út daginn. við megum engan veginn vera að því að vera veik - erum að fara í langþráða sumarbústaðaferð á morgun og ég ætla að baka í allt kvöld ýmsar kræsingar til að taka með (kanilsnúða, skúffuköku, kryddbrauð og brauðbollur) nammminammm það er svo gaman að baka :P

á morgun er svo síðasti tíminn okkar beggja í námskeiðinu sem við vorum í í Hreyfingu, ótrúlegt hvað tíminn er fljótur að líða. árangurinn hefur samt ekki staðið á sér enda held ég að ég hafi sjaldan verið jafn stinn og sterk ;) heil 6% fóru af mér í fituprósentu (kennarinn sagði að ég mætti búast við 3%) og síðast þegar ég mældi mig vantaði 6 cm uppá mittið mitt :) svo að þetta er allt í rétta átt. við eigum samt eftir að ákveða hvort við ætlum að halda áfram spriklinu í Hreyfingu eða færa okkur yfir í Laugar. ætlum allavega að prófa eitt skipti í Laugum og sjá hvort okkur líkar betur þar, Hreyfing er soldið lítil og þröng - en við erum vanafastari en helvíti (BT þó svoldið mikið meira en ég) svo að það endar örugglega með Hreyfingu. kemur í ljós börnin góð.

annars sjúklega lítið í fréttum, erum komin með æfingahúsnæðið en það á samt eftir að ferja öll hljóðfærin yfir (2 bassa og 1 hljómborð... spurning hvurslags hljómsveit þetta verður eiginlega) það er strax búið að reka gítarleikarann Jonna, sem segist þá ætla að fara sóló, ég æfi mig eins og ég get í söng - en BT finnst ég syngja ótrúlega leiðinleg lög!! fatta ekki hvað er í honum, þetta eru bara klassísk íslensk dægurlög sem ég hef alist upp við (enda Emilía indjánamamma þekkt söngkona úr austfirska bandinu Bráðabirgðarflokknum) - BT kann hins vegar held ég ekkert af þessum lögum og hef ég haft það á orði að hann hafi misst af miklu í æsku ! blessað barnið, og lengi lifi rokklingarnir!

besta helgin

2005-10-24T12:13:00.000Z

ég gerði gjörsamlega ekki neitt um helgina. og það eru engar ýkjur. BT var á airwaves öll kvöld og ég hafði það ótrúlega gott á meðan. á föstudagskvöldið hélt ég að klukkan væri að verða 1 um nótt þegar ég ætlaði að fara að sofa, gat með engu móti haldið augunum opnum, fór og burstaði tennur og breiddi yfir ungana, leit á klukkuna þá var hún ekki nema 22.49! en ég sofnaði eins og skot og vaknaði ekki fyrr en um 10 leytið daginn eftir, lá samt eiginlega uppí rúmi allan daginn og svaf, rétt skrapp út að borða á stælnum með BT og hundinum okkar Jóhanni, síðan var farið aftur að sofa, og þegar ég hafði kvatt BT fyrir kvöldið fór ég til móður minnar sem var einnig kona einsömul þetta laugardagskvöld. hún gaf svefndrunginni dóttur sinni að borða geggjað salat og brauð nammi nammmi sluuuurrp, og svo horfðum við á 50 ára afmæli júróvisjón í lazyboy stólunum, mamma lifði sig mikið inní þetta allt saman, svo hlógum við mikið að spaugstofunni - en þá var líka greinilega kominn tími til að leggja sig aftur. ég skreið því aftur heim uppí sæng undir rúm, horfði á einn joey þátt (og hló aftur tryllingslega - greinilega búin að sofa alltof mikið um daginn)) og 1/4 af Oceans twelve myndinni áður en ég sofnaði værum blundi. sunnudagsmorguninn var reyndar tekinn með trompi: 40 mínútna brennsla og 25 mínútna lyftingar í ræktinni, og svo aftur heim að kúra :) matarboð hjá brósa og við fengum að sjá nýja húsið þeirra, lítur vel út :) gaman gaman

nýji uppáhalds þátturinn okkar BT er Prison Break, horfðum á nokkra um helgina og erum húkkt, þvílíkt spennandi, eitthvað sem hefur alveg farið forgörðum í nýju Lost seríunni :(

annars gleðilega viku allir, næsta helgi verður æðisleg en þá ætlum við BT í sveitasæluna og hafa það frábært!!!!

Laugardagskvöld með Bjögga og Röggu

2005-10-17T17:02:00.000Z

skemmtilegustu kvöld vikunnar eru án efa laugardagskvöld, en þá höfum við hjónaleysin dýrindis steikur í matinn og rauðvín með (þegar laugardagskvöld eru á annað borð laus hjá okkur). þetta laugardagskvöld var alveg frábært, en bjöggi kokkaði fram úr erminni pörusteik sem var absolútlí delissjuss. svo snæddum við yfir kertaljósi og skáluðum í boðinu, þetta finnst okkur alveg frábært. eftir smá rauðvínsþamb var okkur boðið í afmæli (betra er seint en aldrei) og hentum við okkur í betri fötin og út um dyrnar med det samme. afmælið var fínt, en við þekktum þó ekki sálu fyrir utan afmælisbarnið sjálft og spúsu hans, við hentum í okkur nokkrum bolluglösum og ætluðum að skella okkur í annað afmæli, en þegar við vorum að bíða eftir leigubílnum ákváðum við að fara bara aftur heim. þar sátum við yfir bjór, rauðvíni og ostum, spiluðum olsen olsen og núllu fram eftir nóttu og enduðum svo í sófanum yfir tíví-inu. yndisleg kvöldstund með skemmtilegasta og bestasta fólkinu: mér og BT :) megi laugardagskvöldin okkar lengi lifa húrra húrra húrrrrraaaaaaa.

það var því ákveðið á þarsíðasta steikar-laugardagskveldi að fresta barneignum um ókomin ár, þar sem við höfum svona einstaklega gaman af okkur sjálfum og líkar best félagskapur okkur tveggja :) :) :)

annars á ástkær systir mín afmæli í dag, til hamingju með það hjartað mitt.

2005-10-17T10:23:00.000Z

mikið lítum við vel út saman, frænkurnar Ragnhildur eldri og Ragnhildur yngri (blikk blikk)
við fórum semsagt að heimsækja nýbakaða foreldra og litlu sætu snúlluna á föstudaginn, mamman leit svakalega vel út miðað við aldur og fyrri störf og prinsessan algjört rassgat :) hibb hibbb húrrrraaaaa

Lítil rúsína hefur litið dagsins ljós!

2005-10-13T10:55:00.000Z

Til hamingju Hafdís og Baldur með litlu nýfæddu prinsessuna! Þið eruð hetjurnar mínar, ótrúlegt að lítið kríli geti vaxið og dafnað inní bumbunni á þér dísa mín ;) ég hlakka ógurlega til að hitta litlu krúsuna og sjá hvort hún sé ekki lík mér :) :)

æ hvað maður er eitthvað hissa á þessu öllu saman :)

allt að gerast!

2005-10-12T11:18:00.000Z

já það er margt að gerast í þessu lífi, dísan mín fór uppá sjúkró í gærdag, og sit ég spennt og bíð eftir fréttum af guðbarni mínu ragnhildi/ragnari :) þetta virðist ætla að taka heila eilífð að unga út barninu, en dísan er hörð af sér. allir að huxa fallega til hennar!

af öðru er það að frétta að BT hefur staðið sig eins og hetja og sannur tölvunörd í miðannarprófunum sínum, hann rúllar upp góðum einkunnum, og það sem betur má fara verður kippt í lag hið snarasta. hann er svo klár þessi elska!!!!

annars er ég búin að vera hálf slöpp undanfarið, alveg skítkalt þó ég sé vafin inní peysur og teppi og sængur, vona að flensa frænka sé ekki á leiðinni því ég hef bara engan tíma fyrir hana. svo er ég enn að gera upp við mig hvort ég ætli á airwaves, er í raun bara ein hljómsveit sem mig langar virkilega að sjá, tími ekki að kaupa mér helgarpassa og veit ekki hvort það sé uppselt á föstudagskveldið á nasa. ég ætti kannski að athuga það... kannski... kannski ekki.

læt vita um leið og krílið er fætt!

æðislegu dýr!!!

2005-10-10T16:44:00.000Z

við BT horfðum á æðislega heimildarmynd í gærkvöld sem heitir La Marche de l'empereur og fjallar um mörgæsir sem búa á suðurpólnum og í hverjum marsmánuði hittast þær allar og arka í langri röð að einum stað þar sem þær fæddust allar og eru komnar til að finna sér maka og eignast unga. þetta er ótrúleg mynd, þessar mörgæsir eru svo sniðugar og gáfaðar, við hlógum mikið að þeim en þessi mynd er líka sorgleg - það er ekkert grín að ætla að ala afkvæmi á kaldasta og óblíðasta stað í veröldinni. þetta er margverðlaunuð mynd eftir franskan leikstjóra sem fylgdist með mörgæsunum í þá 9 mánuði sem mökunartíminn og uppeldi unganna tekur áður en þeir verða fullvaxta. þessi mynd verður sýnd á kvikmyndahátíðinni sem byrjar í lok október og mæli ég eindregið með að allir sjái hana, hún er algjört æði!

mörgæsaungar er eitt það sætasta í heimi - þeir eru svo feitir og sætir, það er næst á dagskrá hjá okkur að við næsta mögulega tækifæri ætlum við að finna okkur svona mörgæsaunga, helst tvo :)

árshátíðin var svaka fín, mikið stuð og mikið drukkið. held samt að ég hafi náð að halda skandölum í lágmarki - sem er gott.
gleðilega viku.

hvers á að gjalda?

2005-10-07T08:06:00.000Z

fór á HR-hitting í gærkvöldi á ölstofunni, fékk mér 1 hvítvínsglas og vaknaði að sjálfsögðu með hausverk og ógleði. það er alltaf verið að refsa manni fyrir að njóta guðdómleika alkóhólsins, sama í hvaða magni hann er. ég hef alltaf verið góð stelpa, gekk vel í skóla, kláraði alltaf matinn minn (nema þegar það var fiskur, þá henti ég honum út um gluggann), fór alltaf að sofa þegar ég var lítil 3 - 4 klukkutímum á undan jafnöldrum mínum. semsagt algjört englabarn, og á ég því þessa framkomu æðri máttarvalda ekki skilið. helsta ráð væri að gera uppreisn, steita hnefa og gerast alkahólisti, og sjá þá hver hlær! en sennilega get ég það ekki þar sem ég er einstaklega löghlýðin og samviskusöm stúlka. ég er eiginlega best.

en að öðru, fyrst þetta: horfði á íslenska bachelorinn í gær og fannst hann bara takast nokkuð vel. mér fannst hann ekkert vandræðalegur eða asnalegur, eina sem mér fannst hræðilega hallærislegt var: "Viltu veita mér þann heiður að þiggja þessa rós?" setningin, af hverju er ekki hægt að hafa þetta bara eðlilegt en ekki svona þvingandi. leist ágætlega á sumar stelpurnar, reyndar valdi hann ekki tvær sem ég hefði valið, og sú sem mér fannst myndarlegust hafnaði honum! raðer emberrassing. en gott hjá henni samt. ég held að þetta verði bara ágætis afþreying til að fylla upp í skarðið á fimmtudagskvöldum í tv-inu eftir að apprentice er búinn. grenj.

svo þetta: fannst engum það fyndið (og þá fyndið á asnalegan hátt) að í síðasta þætti af ANTM þegar þær áttu að skipta um þjóðerni, þá sagði tyra við naimu: you will be icelandic/scandinavian. og svo var hún förðuð og sett á hana ljóshærð kolla. svo þegar judging var þá voru dómararnir oh yeah she's icelandic, en hún leit ekkert út eins og íslendingur! hinar voru svartar, kínverskar, eskimóar, indjánar og já svo ein íslensk. verður að vera með. mjög fyndið, tyra veður kannski ekki í vitinu eftir allt saman - þrátt fyrir mikinn heilaþvott um annað.

en annars ekkert títt, plataði mömmu til að bjóða mér í mat í kvöld þar sem að BT er að fara í vísó og fagna miðannarprófarlokum (þessi elska á nokkuð mörg prik inni fyrir að vera svakalega duglegur að læra) - mútta ætlar að hafa grjónagraut sérstaklega handa mér nammmminammmmm uppáhalds! og svo ætlum við og pápi að horfa á ædolið saman, læk in ðí óld deis þegar ég bjó heima :)

árshátíð á morgun. verður örugglega fínt.
adjö.

bætt við: ég gleymdi auðvitað aðal fréttinni!! ólöf okkar var svo dugleg um daginn að hún kom á puttann!! loxins loxins, ótrúlega dugleg þessi elska, þó voru mínir fingur aðeins of grannir fyrir hana, hún rann oftast af honum beint á rassinn, en henni fannst voða gott að vera á puttanum hans BT og láta strjúka sér á bumbunni. svo nartaði hún fullt í kál :):) nú þarf bara að snyrta skúlann okkar, fjarlægja nokkrar flugfjaðrir, svo við getum kennt honum líka að fara á puttann.

hvernig má það vera...

2005-10-04T09:43:00.000Z

... að í öllum þeim kvennafans sem ég lifi og hrærist með að það sé ekki ein EKKI EIN manneskja sem kann að gera fasta fléttu???? hvað hefur orðið um kvenfólk þessa lands? hér áður fyrr þóttu konur ekki konur með konum nema kunna allskonar hárkúnstir, en í dag er þetta töpuð list. ég hef reynt að gera þetta sjálf en alltaf litið út eins og reytt hæna, og ég tími nú varla að borga hárgreiðslustofu fyrir eina skitna fléttu? ef einhver les þetta sem kann að gera fléttuna en ég hef enn ekki spurt þá má sú sama vinsamlegast gefa sig fram - takk fyrir góðan daginn!

annars fátt að frétta, ég bíð í ofvæni eftir að fá hringingu frá dísu minni þar sem hún er á fæðingardeildinni að unga út bumbubúanum... ég vakta símann minn dag og nótt, ætla sko ekki að missa af þessum einstaka viðburði. huxa sér :)

líkamsræktin gengur vel, kílóin hverfa mjööööööög hægt en hverfa þó, og einnig sentimetrarnir, en er öll að massast upp enda mikið lyft í þessum tímum - sem er gott.

yfir

2005-10-03T13:44:00.000Z

bestasta helgi í heimi liðin! mikið er gott að eiga svona eina djammfría helgi vons in a væl, mér finnst eins og þessi helgi hafi staðið yfir í 2 vikur - við gerðum svo margt. þetta var gert:

- hundasýning
- hádegisboð hjá bjöggaömmu
- laugavegur, skólavörðustígur og kringlan þrædd
- horfði á tvo O.C. þætti
- litaði pils
- keypti tvær gjafir handa BT
- frönskuskammtur vikunnar étinn
- horft á bíómynd sem heitir the machinist
- horfði á tvo O.C. þætti í viðbót
- fór í ræktina
- fór í ánalandið og dró múttu á lappir
- við mæðgur tókum prufu á verlsunarleiðangurinn sem verður í glasgow, þræddum kringluna og ég keypti árshátíðarkjól og mútta keypti sér gallabuxur, peysu og skart.
- skipti annari gjöfinni hans BT
- fór á kaffihús
- fór í matarboð

hananú, ótrúlegt alveg hreint - sko á minn mælikvarða.
vikan brosir björt við mér, miðannarpróf hjá bjögganum mínum alla vikuna - gangi þér vel!!!

montrassgat

2005-09-29T12:36:00.000Z

vildi bara monta mig á hótelinu sem ég verð á í glasgow með múttunni minni :) það er svo hollt og gott að monta sig.

nú er ég komin með þátt númeró dúe í seríó dúe af Lost, og þátt númeró únó í seríó dúe af desperate housewifes, svo að kannski bara kannski ef BT verður duglegur að læra í kveld og kannski klárar skilaverkefnið sitt án afskiptasemi Jane sinnar (sem hefur rosalega gaman af því að rifja upp gamla takta í C++ forritun) þá verður vídjó kvöld hjá okkur - en ekki nema það verði búið að slökkva á öllu og ganga frá íbúðinni fyrir nóttina svo ég þurfi ekki að fara fram í hræðslukasti aftur eins og í síðustu viku :(

"don't push the button - the button is bad"
þeir sem vita hver sagði þessa setningu og af hvaða tilefni mega eiga von á glaðningi... einhvern tímann á lífsleiðinni.

músíka

2005-09-28T12:28:00.000Z

ég hef ekki látið mitt eftir liggja að kynna til sögunnar áhugaverða og spennandi tónlist hér á síðu minni, og mun ég ekki láta staðar numið enn sem komið er. í dag mun ég kynna 5 nýjar plötur til sögunnar, fyrri plötur má sjá hér og hér. en nú læt ég vaða:

Architecture in Helsinki - In case we die

A Band of Bees - Free the Bees

The Shins - Oh, Inverted World

The Go! Team - Thunder, Lightning, Strike

The Rapture - Echoes

njótið vel :)

þetta hérna er algjör snilld.

ef þið bara vissuð!

2005-09-26T17:18:00.000Z

ég er á leiðinni til Glasgow með minni heittelskuðu múttu!! ætlum að skella okkur í helgarferð í desember og versla jólagjafir, fara á kaffihús, út að borða, tónleika og í leikhús - þ.e.a.s. ef við komum þessu öllu inn í þessa 3 daga :) víííí ég get ekki beðið, þetta verður æði enda við mamma alltaf svo grand á því :)

það má samt heita ótrúlegt að þið séuð að lesa þessa bloggfærslu, því í raun ætti ég ekki að vera á lífi - allavega ekki miðað við daginn sem ég upplifði í gær. þvílíkt og annað eins bara, gat varla risið upp úr rúminu - samt sötraði ég bara rauðvín og tvo brísera á mörgum tímum, skil ekki alveg af hverju ég verðskuldaði þetta. en ég þakka fyrir að vera á lífi bara, ekkert flóknara en það.

ég vil svo enda pistilinn á að þakka þeim hjónum ells&aus fyrir afar skemmtilegt og frumlegt laugardagskvöld, myndirnar tala sínu máli - þetta var heljarinnar stuð þó svo að ég hafi orðið nokkuð hvassyrt í spilinu ;)

óvver end át

2005-09-23T12:40:00.000Z

eftir sjúklega mikla eftirvæntingu og spennu horfðum við BT loxins á fyrsta þátt í seríu 2 af LOST í gærkvöldi og skemmtum okkur konunglega (ég varð samt helst til of hrædd, þorði ekki fram í stofu eftir á því það var allt slökkt). ýmsu enn ósvarað en það á allt að skýrast í næstu tveimur þáttum - eða svo segja framleiðendur. ef þið bara vissuð hvað er ofan í ðe hatch múheheheheheheheeeee

eníhú, helgin framundan er að mestu óráðin - eina sem ég veit er að ég er að fara á bikarúrslitaleikinn Fram - Valur á morgun með dísu skvísu og tinnu binnu, vona bara að það verði ekki svona sjúklega kalt eins og er núna hólí mólí. ætli það verða svo ekki bara teknar æfingar á hljómborðið mitt skemmtilega (það er sko ótrúlega skemmtilegt skal ég segja ykkur!) og kúrt sér undir sæng í þessu ógeðslega veðri sem geysar nú á landi því er við ís er kennt.

læt fylgja með eina skemmtilega mynd af mér svona í tilefni helgarinnar.

adjö

vúhú

2005-09-22T13:50:00.000Z

nýja hljómborðið mitt er komið!!! jibbbbbbbbííí júhúúúú nú verður sko byrjað að semja eins og vindurinn fyrir nýju hljómsveitina!

lesi lesi lesi les

2005-09-22T10:03:00.000Z

eins og dyggir lesendur mínir muna eflaust eftir ákvað ég í heheemm mars síðastliðnum að lesa fullt fullt af bókum (= 44 bækur) og ég skipti þeim niður í 5 bóka holl og ætlaði ég mér að lesa hvert holl á einum mánuði. einmitt. þessa færslu má lesa hér

nú er kominn september og í gær kláraði ég fyrsta holl, og hefur það komi greinilega í ljós að 5 bækur á einum mánuði er full mikil bjartsýni. ég hef mest náð tveimur bókum, enda er maður alltaf svo bissí :) ég verð þó að taka það fram að sumarið tók sinn toll, held ég hafi náð að lesa eina litla bók í allt sumar, svo að það er smá rými til að bæta sig. en nú byrjar holl númer tvö og hljómar það svona:

6. Frú Bovary - Gustave Flaubert
7. Ást á tímum kólerunnar - Gabriel Garcia Márquez
8. Stríð og friður - Leo Tolstoy
9. Sultur - Knut Hamsun
10. The golden notebook - Doris Lessing

langtímamarkmiðið er að koma með bókarýni á þessar bækur sem ég hef lesið, og mun það vera verkefni framtíðarinnar.

í dag er fyrsti í helgi hjá sumum, því mörgum finnst gott að fá sér smá í aðra tána á fimmtudögum. gleðilegan fyrsta í helgi!

af bókasöfnum

2005-09-21T16:55:00.000Z

á eftir þarf ég að horfa í augun á úrillri bókasafnskonu og útskýra fyrir henni hvernig ég missti óvart eina bókasafnsbókina í baðið. ég setti bókina auðvitað strax á ofninn, og núna er hún mjög svo bólgin og sumar blaðsíðurnar eru fastar saman. auk þess hefur rauði liturinn af kápunni smurst svoldið á blaðsíðurnar.

móðir mín hefur mikla reynslu af bókasafnskonum, enda ein slík sjálf, og segir mér að ég þurfi ekkert að óttast, í mesta lagi borgi ég 800 kr. í sekt. ég gleymdi að skila bókum í 3 mánuði í sumar og var sérstaklega kvíðin að mæta þarna uppeftir og fá pistilinn lesinn yfir mér auk himinháar sektar. en bókasafnskonan var bara sérstaklega þakklát fyrir að fá blessaðar bækurnar aftur heilar, og sektin var einhver 800 kall. svo að kannski er engu að kvíða.

Spurning samt hvort maður fari á einhvern svartan lista í bókasafnsheiminum:
- skilaði 3 mánuðum of seint
- missti bók í baðið

en ég elska bókasöfn. lovv itt

klukketí klukk

2005-09-20T11:05:00.000Z

ausa klukkaði mig, en það er eitthvað nýtt trend í bloggheiminum. mér finnst ekkert mál að skrifa 5 tilgangslausar staðreyndir um mig, en hitt er annað mál að ætla að klukka einhvern annan. er búin að fara minn reglulega blogghring í dag og held að allir sem ég les hjá hafi verið klukkaðir. en það þýðir ekkert annað en að reyna bara, só hir gós:

1. Ég hef lært bæði madonnu dansa og michael Jackson dansa um ævina, og sýndi meirað segja MJ dansana í bekkjarpartý í 10 ára bekk.

2. Þegar ég var yngri labbaði ég mikið í svefni, og ef að útidyrahurðin var ólæst endaði ég oft úti á götu áður en herlegheitin föttuðust.

3. Ef það væri samfélaginu bjóðandi myndi ég búa í rúminu mínu.

4. Ég hata ketti af því að mamma mín og systir eru búnar að heilaþvo mig.

5. Ég elska að ferðast til útlanda, og mér finnst flugvélamatur geggjað góður.

Ok þá er bara að klukka, þeir heppnu verða Bestla, Steinunn, Milla frænka, Dóra sem vinnur með mér og síðast en ekki síst Gísli Marteinn.

að lokum vil ég óska vinum mínum hjartanlega til hamingju með emmy-verðlaunin sín, eiga það svo sannarlega skilið, og ég get ekki beðið eftir að sería tvö verði frumsýnd útí USA á morgun svo ég geti stolið honum um helgina :)

góðan þriðjudag krakkar!

algjört prump

2005-09-19T23:40:00.000Z

hver röndóttur!

2005-09-19T11:14:00.000Z

djöfulsins andskotans helvítis djöfulsins!
já þetta er einungis brot af þeim blótsyrðum sem feykjast um í kollinum á mér akkúrat núna, ég er svo reið að mig langar til að sparka í hausinn á einhverjum og stappa þennan óheppna aðila svo í stöppu. við hjónin horfðum á ca. 80% af Emmy draslinu í gærkveldi/nótt, og allt í lagi með það, en á undan var svona upphitun þar sem einhver hundgömul kelling og pirrandi dóttir hennar sáu um að taka fræga fólkið í viðtal áður en það fór inn. og hver haldiði ekki að þær þurftu að lokka til sín í eitthvað pínlegt viðtal? nú auðvitað gellan sem vann ANTM núna síðast!!!!!! jæja þá er búið að eyðileggja það fyrir mér. alveg varð ég brjáluð, en BT fannst þetta fyndið... spurning um hvað hann finnur í matnum sínum í kvöld huxxi huxxx
það er svo pirrandi að vita svona fyrirfram, sérstaklega þegar það eru bara búnir 2 þættir af þessu hérna heima. reyndar vissi ég hver ynni apprentice áður en sýningar byrjuðu á nýjustu seríunni, en ég horfi samt alltaf á þá og reyni í huganum og ímynda mér að ég viti það ekki og held auðvitað með öllum nema þeim sem ég veit að vann. ætli svo verði ekki raunin í þetta skipti :)

annars góð helgi, föstudagskvöldið var bara rólegt hjá mér, BT var að vinna svo ég var bara með röggu-kósí-kvöld, hafði svo allan laugardaginn fyrir mig því BT hélt áfram að draga björg í bú, við hjónin áttum svo sérstaklega frábæran kvöldmat saman, grilluðum kjet og drukkum rauðvín. síðan komu gestir í heimsókn og það var farið snemma í bæinn svona til tilbreytingar. á meðan BT vildi bíða eftir að hitta vin sinn uppá Dillon þá ákvað ég að kíkja á röltið... EIN! jájá ég þræddi staðina alein, fór á prikið, pravda (ætlaði að reyna að hitta ausuna), hressó og ara í ögra og hitti ekki eina sálu sem ég þekkti eða kannaðist við... þetta fannst mér mjög sérstakt og ég veit eiginlega ekki hvað á að lesa út úr þessu, kannski fór ég ekki á réttu staðina? kannski er ég orðin of gömul? en allavega skemmti ég mér konunglega með sjálfri mér.. eins og alltaf. ég náði svo í BT, við komum við á select á leiðinni heim og keyptum begg og eikon og fengum Ella, Ausu og Skúla í eftirpartý off kors. svaka stuð, en eldhúsið er í rúst... ennþá :(

jæja bakk tú vork, styttist í lönsj

helgi

2005-09-13T11:36:00.000Z

ef þið hafið einhvern tímann verið hrædd við Jane, þá er núna fyrst góð ástæða til að vera virkilega hrædd. jú ég lærði nefnilega að skjóta úr haglabyssu á föstudaginn. jebbb þið lásuð rétt, ég fór í óvissuferð með deildinni og við fórum í leirdúfuskytterí jíhaaaa og það var bara helvíti gaman (sko um leið og ég kunni að halda á henni rétt, áður var það frekar vont) held ég hafi náð að skjóta 3 af sirka 25 en hey það er góð byrjun!! síðan var haldið í skipasund og dansað uppá borðum fram á nótt, 4 1/2 kassi af áfengi rann oní liðið, enda þarf ekki að biðja fólk tvisvar um að sporðrenna nokkrum ölum í þessari deild :)

á laugardaginn var svo farið út að borða með BT familíu, svaka gott að borða þó svo að staðurinn fá feitan mínus í kladdann fyrir þjónustu og hvað það var ekkert til á matseðlinum. síðan var farið uppí jakasel og spilað, en það var ekki mikið fjör í mér, var alveg stjörf af þreytu og þegar Jane er þreytt þá er hún sko þreytt !!!

átti góðan sunnudag, matur hjá moms&deds, og þar fram eftir götunum. en nú fer að styttast í að season 2 byrji af LOST, aðeins vika í frumsýningu vestanhafs og af því tilefni hef ég verið að rifja upp ýmsar samsæriskenningar á spjallborðum alnetsins. alveg spurning um að renna fyrstu seríunni einu sinni í gegnum sjónvarpið áður, svona til að vera on topp off þings. kannski - kannski ekki. annars er þetta hérna áhugavert:

According to experts, my personality type is :
Evil Genius

Other people like me display these traits.

They are scared of clowns

They are great kissers

They have been abducted by aliens

They work in fast food resturants

Take the Ink Blot Personality Quiz at JokesUnlimited.com

alltaf gaman að þessu hmmmm haaaaaaaa

móvning

2005-09-08T10:46:00.000Z

jæja þessi dagur brosti ekkert sérstaklega við mér þegar ég opnaði augun í morgun, enda er ég með harðsperrur dauðans! jújú nú er líkamræktin byrjuð á fullu og fór ég í minn fyrsta tíma í gær. hann var bara alveg ágætur hreint, alveg sniðinn fyrir mig - þe. meira svona þrek og æfingar en ekki bara einhver hopp og hí. byrjað var að hita upp í léttum gólfdansi og svo voru tekin upp lóð og lyft eins og kreisí. þar sem að ég kemst ekki annað kvöld í tímann, þá þarf ég að mæta í einhvern annan og eini sem hentar er í fyrramálið kl.06:30! hólí mólí verð að fara snemma að sofa (maður fær nebblega punkt í kladdann fyrir mætingu, og svo eru dregnir út vinningar vikulega :)

eníhú, á morgun er það semsagt óvissuferð hjá hugbúnaðardeildinni hér í landsbó, og ég er ekki alveg viss hvert á að fara en eftir óvissuna verður haldið heim í skipasund til mín og gætt sér á veigum ýmis konar. þetta verður svaka gaman, og eins gott að ég nái að taka almennilega til heima hjá mér áður - bilív mí það mætti halda að katrín kellingin hafi komið við hjá okkur á leið sinni til njú orlíns.

annars er ég enn að reyna að selja bílinn minn, fólk ætlar eitthvað að vera lengi að taka við sér. ætla að auglýsa hann hér til vonar og vara, ef einhver er að leita að yndislegum bíl :)

Til sölu Honda Civic 1400 SI árg.'98. Álfelgur, spoilerar og CD. Skoðaður '06 og í góðu ástandi. Fallegur og skemmtilegur bíll. Verð aðeins 420.000 (400.000 staðgreitt) áhugasamir eiga að hafa samband við bílasérfræðinginn á íslandi BT s. 694-4336 komaaaaa svooooooooooooooooooooo

nördar, beikon, búts, staup og maskari.

2005-09-06T12:59:00.000Z

ótrúlegt en satt þá tók gamla fólkið tvistinn um helgina. eða gerði heiðarlega tilraun til þess. ég fór í vinnupartý á föstudagskvöldið og sendi BT í pössun uppá kvía til ausu og ella í staðinn (ekki hægt að láta manninn vera einan heima á föstudagskvöldi). þegar ég fékk svo nóg af partýinu skundaði ég til þeirra í egg og beikon, en þegar klukkan var farin að síga í 4 þá setti ég BT enn eina ferðina á bakið og hélt með hann heim. hann var frekar fúll yfir þessum æðibunugangi í mér að vilja komast heim og til að mótmæla settist hann inní eldhús þegar heim var komið, opnaði sér bjór og kveikti sér í lummu. þá öskrar drengurinn alltí einu á mig og spyr mig af hverju í ósköpunum ég hafði ekki sagt honum hvað klukkan væri! hann hélt að klukkan væri bara 12 og ég búin að láta hann opna bjór og allt! það er stundum ekki í lagi með liðið. hann skildi núna af hverju ég hafði viljað fara heim og fór þegjandi og hljóðalaust að sofa, enda þurfti hann að vakna snemma fyrir sumarslúttið í vinnunni hans. en sú mæða að eiga svona börn.

jæja, BT var svo sendur af stað uppúr hádegi með vinnunni sinni í go-kart og bláa lónið, á meðan átti ég kvolití-tæm með sjálfri mér og vinum mínum í dawsons creek - again. fór svo í bæinn, keypti mér sitthvað smálegt, en datt niður á þessa svaka flottu kávboj-búts í rokk&rósir, brúnir rússkinns búts - tryllt alveg! nennti ekkert að máta þau, keypti þau bara á staðnum. svo þegar ég ætlaði í þau við dressið um kvöldið þá voru þeir svona 3 númerum of stór! ótrúlegt að ég hafi ekki séð það í búðinni, því núna þegar ég lít á þau þá sé ég að þau eru hjúmongus! en það svosem ágætt að eiga inneign þarna, styttist í árshátið og ég elska fötin í þessari búð.

allaveganna, ég fór svo til BT í vinnuna hans, þar var svaka grill veisla og áfengi eins og manni langaði í. enduðum í einhverja 3 tíma að spila tíkalla drykkjuleikinn, staupuðum ógrynni af dræ vodka og rommi, reyktum endalaust af risa risa ávaxtapípunni (veit, hljómar ekki vel, en er alveg skaðlaust) og enduðum svo á röltinu heim um 2 leytið, alveg búin á því hjónaleysin. gaman samt.

dagurinn í dag byrjaði hins vegar ekki vel. mér tókst að stinga maskaranum mínum á bólakaf í augað á mér og varð að keyra í vinnuna með augað lokað og það lak endalaust úr því. nú er ég rauðbólgin og falleg (en ekki hvað) en held að ég hafi samt ekki náð að skadda sjónina (allavega ekki meira en hún er nú þegar).

vonandi að þetta sé ekki fyrirboði um eitthvað...

fjölgun mannkyns...eða eitthvað

2005-08-30T13:13:00.000Z

já hvað haldið þið? ég og BT höfum eignast okkar allra fyrsta barn. fæðingin var þægileg, við borguðum bara 2000 kall og tatamm!! fyrsti erfingi skipasunds er til. reyndar er barnið staðsett í Brasilíu, nánar tiltekið SOS barnaþorpi í Sao Paulo, en það skiptir nú minnsta máli. Við vitum ekki kyn né aldur barnsins ennþá, eina sem vitað er er að barnið heitir Gislaine Lourenco da Silva Maciel, og mér finnst það svoldið kvenlegt nafn svo að í augnablíkinu köllum við barnið Gíslínu Björgvinsdóttir. Bráðum fáum við sendar allar upplýsingar um blessað barnið og mynd, svo við bíðum bara spennt þangað til. en með skitnum 2000 kalli á mánuði borgum við fyrir fæði, klæði og menntun handa barninu svo það gæti hugsanlega mögulega átt einhverja framtíð :) alltaf gott að gera góðverk.

annars lítið að frétta, átti besta dag í heimi á laugardaginn - var í snyrtingu og gufuböðum frá 11 - 16, þvílíkt næs, eitthvað sem verður gert í hverri viku í framtíðinni þegar BT verður orðinn milljónamæringur og ég get hætt að vinna til að einbeita mér að því að vera fín og sæt múhahahahahahaaaahe. síðan komu hjónin Jonni og Jói í grill og það var farið á skrallið eins og vanalega. Skemmtunin endaði snögglega þá um nóttina þegar BT var orðinn svo drukkinn að hann var kominn í fósturstellinguna uppá borði á Prikinu, alveg að drepast. Þá sagði ég hingað og ekki lengra, skellti honum á bakið og arkaði heim á leið. annars helvíti gaman bara.

ausa og elli koma svo heim frá spáni á morgun, brún og sælleg og það verður gaman að endurheimta þau :)

dekurdúlli

2005-08-25T10:48:00.000Z

ég get ekki beðið eftir helginni! snillingurinn og bestasti kærastinn í öllum heiminum gaf mér dekurdag í afmælisgjöf og á laugardaginn mun ég njóta hans. 4 klukkutímar í Laugum með andlitsbaði, handsnyrtingu og fótsnyrtingu, auk þess að liggja í heitum pottum og gufubaði, össss ég get ekki beðið - þetta verður æði! ætla bara að vona að þessar konur þarna séu ekki málglaðar - ekkert jafn leiðinlegt og vera í afslöppun og nuddi og þurfa að ræða hitt og þetta við ókunnuga.

síðan ætla ég að verðlauna þennan áðurnefnda kærasta um helgina því nú er fyrsta skólavikan hans að líða á þessari önn og hann er búinn að vera sérstaklega duglegur að læra það sem af er... fyrir það á hann sko skilið eitthvað gott :)
djöfull langar mann samt í skóla þegar haustið er komið, maður er ekki alveg að meika það að vera að vinna alla daga... get enn ekki ákveðið hvaða mastersnám mig langar í, það er margt og ekkert í boði - það sem mig langar allra mest er þetta hérna en það er útí Svíþjóð, ég er ekki á leiðinni neitt út í skóla næstu árin býst ég við. það er ekkert spennandi hérna heima, vonandi að ég detti niður á eitthvað í vetur sem ég get sótt um fyrir næsta haust. annars er ég vonandi að fara að taka MSCD gráðu frá Microsoft, erum nokkur í vinnunni sem langar í þetta, líklegast í vetur.

annars er alltaf voða gott að eiga peninga og geta straujað kortið villt og galið án þess að fara yfir á heimildinni :)

The O.C. vs. One tree hill

2005-08-24T10:01:00.000Z

VS.
Skjár 1 hefur loxins tekið sig saman í andlitinu og ætlar að byrja að sýna seríu 2 af The O.C. næstkomandi mánudag, þrátt fyrir að sería 3 sé að byrja vestanhafs 8.september. Er frekar sár vegna þess að þeir eru löngu búnir að sýna seríu 2 af Einnar trjáar hæð sem er ekki með tærnar þar sem Ó Sí hefur hælana, er svona hallærisleg útgáfa af O.C. þar sem fólkið er ekki nærri eins mjótt og fallegt og það býr í einhverju krummaskuði þar sem þau versla fötin sín líklegast í Wallmart. Nei þá vel ég frekar O.C. þar sem að strákarnir eru alltaf smart í tauinu og ferðast um á hjólabrettum í sólinni og skvísurnar eru alltaf klæddar nýjustu tísku og eru sólbrúnar, enda gerast þættirnir í Kaliforníu (svona í alvörunni, hvar í ósköpunum gerast One tree hill?). svo vel ég frekar söguþráð um feiminn götustrák sem er í raun gáfaður og blíður, en getur samt barið mann og annan, í staðinn fyrir sögu af 16 ára unglingum sem gifta sig en hún fer svo frá honum til að geta sungið á klúbbum um Bandaríkin með einhverju ógeðisgerpi.
Ég hef reyndar séð seríu 2 svo ég ætti ekki að vera að væla, en þessi pistill er tileinkaður öðrum aðdáendum þáttanna sem eru búnir að bíða spenntir í laaaangan tíma eftir því að Skjár 1 hysji upp um sig buxurnar. Svo hefur mig alltaf langað til að segja álit mitt á One tree hill :) - auðvitað horfi ég samt líka á hann.

myndirnar hér að ofan tala sínu máli, augljós munur ;)

2005-08-22T11:49:00.000Z

enn ein helgin liðin, og var hún með besta móti. á föstudagskvöldið sátum við BT og drukkum bjóra og spiluðum trivial langt fram á nótt bara tvö, og skemmtum okkur ákaflega vel þó svo að úrslitin verða ekki kunngerð hér. við vorum svo komin á ról milli 10 og 11 á laugardagsmorgun og skelltum okkur niðrí bæ, fengum okkur morgunmat, horfðum á reykjavíkurmaraþon, fórum í kolaportið og í furðufuglar&fylgifiskar. eftir það rigndi okkur næstum niður svo við skelltum okkur uppí bíl og keyrðum af stað heim, en þá náttúrulega kom sól um leið aftur. týpískt. ég slappaði síðan af það sem eftir var dags, en BT fór að vesenast með strákunum í bátnum hans hlyns.

fórum síðan í glæsilegt matarboð hjá ella og ausu, þar voru líka hafdísi og baldur að finna. fengum grillað svín og meððí, og geggjaðan eftirrétt. namminammmm takk fyrir okkur!! síðan var haldið í bæinn, hitt fleira fólk, rölt um, horft á flugeldasýningu, farið í partý á bátnum, fórum síðan aftur heim til ells&aus þar sem var spilað, blandaðir kokteilar hægri vinstri, borðað egg og beikon og svo gistum við BT þar - síðasta útilega sumarsins! meiri vitleysan alltaf :)

BT byrjar í skólanum í dag - ég ætla að huxa afar fallega til hans í allan dag :)

its alæv

2005-08-17T14:04:00.000Z

vildi bara koma því að að herra T virðist hafa tekið upp pennann aftur (eða lyklaborðið) og segir hann frá lífsreynslusögu sinni varðandi munkinn í nýjustu færslu sinni - þar er einnig hægt að sjá mynd af klippingunni. herra T.

annars lýsi ég eftir góðum hugmyndum um hvað sé hægt að gera skemmtilegt á menningarnótt, áður en farið er í bæinn. nú fer hver að verða síðastur að ákveða örlög sín varðandi þessa stórskemmtilega dag/nótt.

adjö

smá sýnishorn

2005-08-16T12:21:00.000Z

af þeim sæg af myndum sem teknar voru víst af mér á föstudaginn.

ps. hauspokinn er kominn aftur upp :(

tóki munkur

2005-08-16T09:28:00.000Z

alveg rétt, gleymdi aðalfréttinni. BT seldi á sér hárið á föstudaginn fyrir 7.000 kall og frítt uppihald í bænum.
fyrir uppsett verð máttu vinir hans setja skalla á kallinn minn og klipptu svo sítt-að-aftan-ið, svo hann leit út eins og munkur. þannig fór hann í bæinn.

þegar hann kom heim um nóttina krúnurakaði hann sig (tók samt upp myndband handa elskunni sinni svo hún gæti nú séð hvernig hann hafði litið út áður) og fór að sofa við hlið áðurnefndar elsku sem svaf svefninum langa.

ég rankaði við mér um 9 leytið, opnaði augun og leit á kallinn, og fékk ogguponsu taugaáfall og fríkaði út, húðskammaði greyið og lét hann heyra það. eftir nokkura tíma svefn til viðbótar var mér þó runnin reiðin og fékk BT knús og kossa í stað öskurs og níðingsháttar... því hey "þetta er bara hár og það vex aftur"

ég mátti svosem búast við þessu, og má búast við svona uppátækjum í framtíðinni. einu sinni var BT með ljóst hár og permanent í viku - ég reyni að blokka þá mynd í minninu. þetta er eitthvað sem maður verður að læra að lifa við því hann kann svo sannarlega að vera bestur þess á milli :)

þegar áfengi er ekki lengur mælt í glösum heldur flöskum

2005-08-15T14:40:00.000Z

jebb þið lásuð rétt, þetta er semsagt yfirskrift þess sem gerðist á föstudaginn - eða gerðist ekki (lærði nefnilega nýtt mottó: það sem maður man ekki gerðist ekki)

eníhú, föstudagur og partý hjá sviðinu í garðinum hjá yfirmanninum.
geggjað veður - 90 manns - 200 lítrar af bjór - ógrynni af víni - trylltur matur.
en eins og gefur að skilja í svona aðstæðum er maður ekki lengi að fara útaf sporinu og vera með almenn drykkju - og fíflalæti. ég hef sopið seyðið af því alla helgina og læðst meðfram veggjum í vinnunni til að láta sem minnst á mér bera.

það sem stóð samt uppúr er sokkabuxnavandræðin (held að allir í veislunni hafi tekið þátt í þeim einþáttungi mínum), körfuboltaslysið (orsakaði snúinn ökla, risasár á hnéi og sprungna vör), grappa skotin ógeðslegu, og tveir "thugz" á leiðinni heim sem ætluðu sko pottþétt að gera mér einhvern grikk en mér var bjargað á síðustu stundu.

svo fékk ég að sjálfsögðu að vita ýmislegt annað í dag sem var ákaflega fróðlegt að heyra, en mest var þetta nú gert í gleði - og ég var víst ekki manna verst vúhúúúúú gaman að lifa!

annars fagna ég nýrri viku sem verður án efa ákaflega skemmtileg, með mikið af hljómsveitaræfingum og nú er bara að reyna að draga helvítis hljómborðið í land á ebay svo ég geti farið að taka alvarlega þátt í æfingum.

er einhver sem á hljómborð til að selja mér???

Ný hljómsveit haslar sér völl

2005-08-12T12:42:00.000Z

halló halló hafnarfjörður!
haldiði ekki að ég hafi gleymt aðalfréttinni össsssss þetta er ljóta frammistaðan. en þannig er mál með vexti að í gær fékk ég inngöngu í nýstofnaða hljómsveit (var sett á laggirnar á miðvikudaginn) og mun aðalástæðan sennilega vera sú að ég er eina manneskjan sem kann á hljóðfæri (fyrir utan náttúrulega flott útlit mitt og nýuppgötvaðra sönghæfileika minna ;) - eníhú ég mun taka að mér hlutverk hljómborðsleikara, ég á sjálf píanó, búið er að redda rafmagnsorgeli og nú er ég búin að bjóða í eitt stykki hljómborð á ebay. herra T leikur á bassa, og til að sýna vilja í verki varð hann fyrstur manna til að redda sér hljóðfæri, eitt stykki bassi og magnari takk! var keypt í gær.

í gærkveldi hittust svo í fyrsta skiptið hin fullskipaða hljómsveit: Jói trommuleikari, BT bassaleikari og Jane hljómborðsleikari en Jonni gítarleikari var fastur í vinnu. það tók soldið langan tíma að stilla bassann, eða réttast sagt hann er enn ekki alveg rétt stilltur. það var mikið reynt að spila, og BT er að byrja að læra nóturnar af DVD disk sem hann keypti. þetta lofar allt mjög góðu, verið er að semja við stúdíó til að taka okkur upp, og gera má ráð fyrir að fyrsta smáskífan komi út bráðlega (það er þegar strákarnir eru búnir að reyna að læra á hljóðfærin sín og kannski kunna að spila einhvern lagstúf)

nú svo á bara eftir að finna nafn á hljómsveitina og ákveða hvernig tónlist hún mun koma til með að spila. allt voða spennandi.

ég set inn myndir af BT með bassann sinn vonandi sem fyrst.

Jane er reið

2005-08-12T08:23:00.000Z

jahérna hér, ég get bara varla orða bundist! nú er búið að loka á íslendinga sem hafa keypt sér áskrift að SKY, af því að íslenskar sjónvarpsstöðvar hafa eytt peningum í að kaupa alls konar efni af SKY og því er það brot á lögum um höfundarétt og útvarpslögum. auk þess eru peningar okkar þá að skila sér til útlanda en ekki íslenskt umhverfi! hallllllóóó, ég verð nú bara að játa það að ég vissi ekki af þessum lögum, en mér finnst sjálfsagt að ef mig langi til að kaupa mér áskrift að SKY á margfalt lægra verði en stöð2 þá megi ég það. nú til dæmis kaupi ég mikið bækur, myndbönd og föt á netinu á mun lægra verði en hér heima, á þá ekki bara að banna það af því að Eymundsson er búið að kaupa svo mikið af þessum bókum og ég eigi að kaupa þær þess vegna þar, eða af því að Sautján hefur keypt fullt af fötum erlendis frá og er að sjúklega háu verði, þá verði ég að kaupa þar! æ ég fékk allavega svona innilokunarkennd við að lesa þessa frétt í morgunblaðinu, vera föst á þessu helvítis skeri og aldrei má maður aldrei neitt ;) er þetta kannski svona líka annars staðar, t.d. á norðurlöndunum????

ef þið bara vissuð!

2005-08-11T13:01:00.000Z

í dag er fimmtudagur, sem þýðir að á morgun er föstudagur, sem þýðir að þá er komið helgarfrí, sem þýðir að þá er sumargrill hjá deildinni, sem þýðir að ég geti sopið á veigum og sofið út daginn eftir. ekki flókið.

lítið að frétta, vinna vinna vinna, mágsi og svilsí komu í pönnukökur á þriðjudaginn, ég og dísa mín fórum rúnt uppí golfskála í gærkvöldi.

það styttist óðum í að herra T byrji aftur í skólanum og er það einskær von undirritaðra að hann byrji aftur að blogga til að létta lundina. annars ætla ég að mæla með neðangreindri tónlist fyrir þá sem eru að leita að góðri músík til að hlusta á. fyrstu meðmælin eru ekki af verri endanum en þessi nýji diskur frá Röyksopp er alger snilld (nema lag 3 sem er mjög vont) en annars er hann frábær í alla staði. þetta neðsta á listanum er soldið súrt, en ég læt fylgja með slóð þar sem fólk getur lesið rýni á þessa diska.

Röyksopp - The understanding
Modest Mouse - Good news for people who love bad news
Mogwai - Young team
Femi Kuti - allt sem þið getið nálgast með honum
Polyphonic Spree - Together we're heavy

góðan eftirmiðdag.

2005-08-08T16:25:00.000Z

helgin liðin og var ákaflega fljót að líða eins og alltaf. laugardagurinn var tekin snemma hjá okkur hjónum í shipswim, og var ég búin að redda öllu fyrir humarveisluna miklu fyrir hádegi, og við tók eftirmiðdagur af OC glápi og svo saumaði ég mér gallapils úr gömlum buxum :) :)

eðalhjónaleysin elli og ausa mættu á réttum tíma og við tók mikil veisla, hlaðin humri, gröfnum silungi og salati, og voru allir sammála um að þetta hafi verið algjör snilld, og steinagrillið brást ekki frekar en fyrri daginn (þó svo að reykskynjarinn hafi aðeins verið að stríða okkur) eftir að hafa étið á sig gat var spjallað, sungið í sing star (þar sem mikil keppni fór fram milli mín og svilsí en vegna tillitsemi ætla ég ekki að tilkynna úrslitin ;) síðan var trivial spilað og fyrr en varði var klukkan að verða 5!! frábært kvöld, sem endaði þó illa fyrir litla magann hans BT, takk kærlega fyrir kvöldið mágsi og svilsí!!! þetta verður endurtekið sooooooooon

aldrei að vita nema ég veiði einhverjar skemmtilegar myndir frá þessu kvöld og setji hérna inn, þær voru þó flest allar teknar í singstarinu og hláturskastinu hennar auðar (kúl fúl)

yfir og út

ðiss and ðatt

2005-08-04T13:18:00.000Z

við hjónin höfum verið ákaflega iðin þessa vikuna - að mínu mati. eldhúsið er komið á ágætis ásigkomulag eftir ævintýrið mikla, baðherbergið er sennilega það hreinasta í vestur evrópu og bílarnir okkar tveir eru sko skvíkí klín eftir þvottakvöldið í gær. að þessu sögðu er ekki skrítið að við séum búin að vera sérlega þreytt í vikunni enda ekki leggjandi á okkur svona erfiði.

annars er lítið að frétta, nokkrir hlutir komnir á hreint eins og : hreyfing er búin að taka útaf kortinu okkar síðustu 4 mánuði til að greiða árskortið okkar (sem btw rann út í apríl) ég hringdi allskostar ekki sátt við svona framkomu - en auðvitað var þetta okkur sjálfum að kenna þar sem við lásum ekki ogguponsu klausuna í samningnum sem sagði að við ættum sjálf að stöðva greiðslur að ári loknu. en þessi yndislega manneskja í fjármáladeild líkamsræktarstöðvarinnar ætlar að senda okkur sitthvora inneignarnótuna "..sem er náttúrulega æðislegur hvati fyrir ykkur til að koma ykkur af stað aftur - ég sé að þið hafið nú ekkert komið undanfarið" *meðaumkunarhæðnishláturstíst*

einnig virðumst við hafa greitt heimilistrygginguna okkar fyrir löngu, en ég þurfti samt endilega að hringja og gera mig að fífli og segjast hafa það á tilfinningunni að greiðslan hafi farið forgörðum fyrir SEX MÁNUÐUM síðan - en betra er seint en aldrei að athuga svona atriði, sérstaklega þegar maður er búin að hafa áhyggjur af þessu allan þennan tíma. æ maður lærir víst aldrei.

BT er með áhyggjur yfir mér og minni sjónvarpsgeggjun. hann segir að þættirnir sem ég keypti mér fyrir ekki svo löngu og komu í mínar hendur á þriðjudaginn hafi greinilega skemmt mig í æsku og mælir hann með því að ég endurtaki ekki leikinn. ég hins vegar er þess fullviss að skaðinn sé nú þegar skeður - enda er ég löngu orðin fullmótaður einstaklingur :) held líka að hann hafi lúmskt gaman af þessu öllu saman ... eða kannski ekki.

mágsi og svilsí koma í humarveislu á laugardaginn! jibbbbbbí ég keypti hvorki meira né minna en 2.5 kg af humri í gær, við ætluðum að grilla hann úti en BT frekjudós vill frekar nota steinagrillið - sem er fínt, það var mjög gaman síðast þegar jonninn okkar kom í mat. þetta verður svaka veisla, og ekki nóg með að það verði humar og meððí á boðstólnum heldur líka fiskurinn sem ég veiddi í minnivallarlæk í vor, en hann var grafinn og frystur! þvílíkt hnossgæti!

yfir

ps. við erum að temja fuglana og í gær tókum við Ólöfu fyrir og héldum á henni þangað til hún slapp og héldum aftur á henni þangað til hún slapp og svo framvegis - létum ekkert eftir. að lokum var hún orðin töluvert róleg í krumlunum hans BT, flaug ekki strax í burtu og hætti að bíta mann FAST í puttana. við gátum líka klappað henni og hún nartaði aðeins í kálbita jei!

af færeyjum

2005-08-02T13:14:00.000Z

plús í hattinn
- færeyskur fjöldasöngur
- færeyskar fyllibyttur
- færeyskar kindur
- færeyskar kojur
- færeyskur bjór
- cafe natur og bjórturninn
- starfslið cafe natur fyrir að henda ógeðisfullu íslendingunum út eftir að þeir hentu bjór könnu af annari hæð niður á fyrstu hæð.
- gunnar grænlendingur fyrir að vera hún sjálf
- gunnar grænlendingur fyrir að vilja höstla strák sem kallaði á hana með orðunum: "Stórar túttur"
- glasabarnið á cafe natur sem er bróðir grænlendingsins og vakti upp sömu tilfinningar hjá jóa og gunnar
- risa marlboro lights pakkinn hans jonna
- færeyska gasolínu lagið sem hlynur kunni svo vel
- roadkill-ið
- dauði gaurinn á grindverkinu
- færeyskar/danskar pylsur
- pylsu-bolti
- flösku-bolti
- treo-bolti
- "ég er svo svangur að ég er kominn með flugur í augun"
- jonni fyrir að vilja eigna sér ofangreindan brandara
- mjálm helvítis graða kattarins
- kæfisvefn dóra (var í alvöru eins og hann væri að kafna í lakinu sínu)
- ashley sem var alltaf að senda mér skilaboð og vildi hitta mig á dubliners (klárlega mannavillt en gaman samt)
- ég fæ sérstakan plús fyrir að kenna 4 fullþroska karlmönnum þá staðreynd að pungurinn er með nokkrar gráðu lægra hitastig heldur en aðrir líkamspartar. þeir fá að sama skapi skömm í hattinn fyrir að vita þetta ekki.
- ég ætla einnig að gefa sjálfri mér plús fyrir að hafa frætt þessa sömu 4 einstaklinga um leið hamborgarans í gegnum magann á fólki.

skömm í hattinn
- íslendingar í útlöndum
- sá sem drap roadkill-ið
- opnunartími færeyska áfengisverslunarinnar
- lagaval færeyskra dj-a
- shitbreakið hans jóa
- verðlag í færeyjum
- jói fyrir að vera yfirborðskenndur og vilja ekki sofa hjá grænlendingnum af því að hún ældi
- hrotur 5 karlmanna
- jói og hlynur fyrir að svindla í pakki
- allir nema ég og BT, fyrir að vera með ömurleg merki í pakki
- pizza 67 fyrir að vilja ekki senda okkur bjór með pitsunni
- city burger aka shitty burger fyrir ógeðslegasta hamborgara sem ég hef augum litið og með munni smakkað gubbbbbbbbbb

að auki má geta þess að allir strákarnir virtust vera einróma sammála um það (ekki BT samt því hann má ekki hafa rödd né atkvæði í svona umræðum) að færeyskar stelpur væru almennt með stærri barm en þær íslensku. þar hafið þið það.

fyrir utan frábæra ferð djamm - og menningarlega séð þá lærði ég alveg skuggalega mikið um hvernig karlmenn tala sín á milli um kvenfólk og það er stórkostlegt! vildi óska þess að ég hefði tekið þetta allt saman upp á hljóðsnældu. híhíhíhí

los helgos

2005-07-29T10:03:00.000Z

Plan A
- mæting á Reykjavíkurflugvöll kl. 17.30
- brottför til Þórshafnar kl. 18.30
- komutími í Þórshöfn um kl. 20.45 að færeyskum tíma.
- djamm og djús á þeim fjölmörgu púbbum sem færeyingar bjóða vonandi uppá.
- á miðnætti verður dansaður vikivaki um götur bæjarins og hápunktur Ólafsvöku verður (eða svo skilst mér).

Staðreyndir um Þórshöfn:
Íbúafjöldi um 16.000
Veðurspá hiti 8-11 stig, ca. 4 m/s og bjart.
Gjaldmiðill færeysk króna (er samt eiginlega dönsk króna)
Ólafsvaka er þjóðhátíðardagur Færeyinga
Rafmagn 220 volts 50 Hz AC

Plan B - ófært til færeyja
- Bruna heim og fylla bílinn af tjaldi og útilegudótaríi
- Sett í fluggírinn og haldið austur á land, nánar tiltekið Neskaupstað við Norðfjörðinn góða.
- Skemmt sér í góðu glensi með ausu og ella og vinum þeirra á Nestaflugi, skellt sér á ball með pöpum og sálinni, rifjaðar upp ljúfsárar minningar í Egilsbúð. ekki má gleyma því að mamma og pabbi verða líka á svæðinu og er það ákaflega hressandi.

Ég fékk tugi þúsunda greydda frá Ríkisféhirði í dag og ég er því brosandi útað eyrum. einnig á ég von á laununum mínum í dag.

Gleðilega verslunarmannahelgi öll sömul, enginn er verri þó hann vökni!
skál í botn

sviptingar í mínu lífi

2005-07-28T09:58:00.000Z

mér var sagt svolítið í gær sem gæti breytt lífi mínu ... lítillega að minnsta kosti. á einhvern ótrúlegan hátt hafði það farið framhjá mér, og öllum þeim sem nálægt mér eru, að það er hægt að hacka helvítis DVD spilarann minn og breyta honum í multiregional spilara sem er algjör snilld!!!! er búin að eyða mörgum stundum í lífi mínu í að fella tár yfir þeim fjölmörgu DVD diskum sem ég gat ekki keypt mér af netinu af því að þeir voru region 1 en spilarinn minn vildi bara spila region 2. svo einhverra hluta vegna þegar við vorum að bíða eftir pitsunni okkar í hádeginu í gær gubbaði siggi þessari vitneskju út úr sér eins og ekkert væri sjálfsagðara.

við vorum ekki lengi að grafa upp síðu með þessu hacki, og volla! þetta virkaði. gat loxins spilað Pearl Jam diskinn minn sem ég keypti frá USA fyrir 1 ári eða svo og var sérstaklega ánægð. þeir sem hafa verið að lenda í þessum sömu vandræðum og ég vil ég benda á þessa síðu hér.

í tilefni af þessu keypti ég mér tvo diska af amazon sem mig hefur lengi langað í, en þar sem þeir eru mjög hallærislegir og gætu skaðað ímynd mína ætla ég ekki að láta titla þeirra uppi að svo stöddu - en ég skal þó segja það að þetta eru unglingadramaþættir frá tíunda áratugnum og hafa sennilega ekki gert neitt nema skaða mig, óharnaðan unglinginn. fyrir þá sem eru að deyja úr forvitni bjó ég til litla myndagátu:

ég sé það reyndar núna að þetta er alltof létt... en hey, ímynd mín hefur sennilega orðið fyrir öðru eins hnjaski áður ;)

röfl

2005-07-27T11:05:00.000Z

já jæja, styttist í versló 2005 og allir eru á iði í kringum mann. maður finnur greinilega að aldurinn færist yfir þar sem flestir jafnaldrar ætla að vera í bænum í rólegheitum, eða uppí sumarbústað með fjölskyldunni eða í rólegri og huggulegri útilegu þar sem íslensk náttúra og útivera spilar stærsta hlutverkið. það virðist vera liðin tíð að fara í sveitta útúrdrukkna útilegu þar sem mikið áfengismagn í blóði og tjúttaðar íslenskar sveitaballahljómsveitir hreppa óskarinn. og ég verð nú bara að segja að ég sé fegin. gæti ekki huxað mér að fara á þjóðhátið þó mér væri borgað fyrir það - ekki nema náttúrulega ef ég hefði þak yfir höfuðið og mjúkt rúm fyrir bakið. en á Ólafsvöku skal halda þetta sumarið og gista á gistihúsi einhverskonar, og er þetta meira menningarleg tilraun heldur en "dettíðaogdjamma" fílingurinn (þó hann verði vissulega til staðar).

en við hjónaleysin drifum okkur út að borða í góða veðrinu í gær, röltum laugaveginn og skelltum okkur svo inná Rossopomodoro í tvær pitsur, bjór og hvítvínsglas, áður en haldið var heim í sólina fyrir utan skipasundið. ég mæli hiklaust með ventura pitsunni á þessum stað - hún er soldið öðruvísi en geggjuð sleeeeeeeeeeeeeeeeeeeeeeeeeeeff

annars er tinntan mín stödd á landinu og ætla ég að leggja hart að mér að hitta vesalinginn. hibb hibb húrraaaaaaaa

færeyjar

2005-07-25T15:52:00.000Z

hér má sjá veðurspánna í Þórshöfn næstu daga:

en þeir sem rýna í veðurkortin á mbl.is sjá alveg keimlíka veðurspá fyrir suð-austur strönd íslands, þannig að það er sama veðrið hér og þar if jú nó vott æ mín.

er farin að hlakka óskaplega mikið til að fara, vona að það verði flogið (sjaldan hægt að fljúga þangað vegna þoku smoku). fljúgum frá Reykjavíkurflugvelli á föstudaginn og fáum því að fara í fríhöfnina, sem ég hef heyrt að sé æðisgengin... verðum á farfuglaheimili í seksmannskamar, mig hlakkar mikið til að deila herbergi með 5 drengjum (já drengjum því þið eruð ekki fullþroska karlmenn og hananú - nema einn að sjálfsögðu!!) og spreyta mig á færeysku, og nú væri gott að vita hvort að hægt sé að kaupa færeysk - íslensk íslensk - færeysk orðabók til að liggja yfir áður en maður fer hmmmmm haaaaaaaaa

af hálsi - taka tvö

2005-07-25T10:24:00.000Z

jæja gengum fimmvörðuhálsinn á laugardaginn, 7 saman. löbbuðum í einn og hálfan tíma uppúr þokunni sem lá yfir Skógum í svoleiðis bongóblíðu - heiður himinn, sól og logn. þannig var veðrið alveg niðrí þórsmörk, svo flestir göngugarparnir kenndu sér einhvers bruna :( en þetta var geggjað, margt sem við ausa þóttumst ekki hafa séð áður, veit ekki alveg af hverju það stafar - og oft vorum við ekki alveg með tíma/stað skynið á hreinu. mér gekk mun betur að labba í þetta skipti enda mundi ég eftir astmapústinu mínu í þetta skiptið auk þess sem lappirnar mínar voru mun skemmtilegri og sterkari. eftirfarandi stóð uppúr ferðinni:

* jonni fjallageit sem ofvirkur í meira lagi. ótrúlega léttur á sér og pústaði aldrei úr nös, og ef honum fannst við labba of hægt þá hljóp hann hringi í kringum okkur!

* Kristján fýsibelgur og kona hans í Baldvinsskála, varð brandari helgarinnar.

* við löbbuðum ekki í neinum snjó nema kannski í 10 mínútur, seinast löbbuðum við örugglega í 4 tíma í snjó.

* ég flaug á hausinn í snjóbrekku, beint á rassinn og rann nokkra metra stjórnlaust og missti í leiðinni annan göngustafinn minn efst uppi. mér leið ekki vel á eftir.

* heljarkambur var allt í einu HELJARkambur, og var ég svo hrædd að ég fraus alveg, byrjaði að titra og skelfa. En BT hetjan mín var ótrúlega hjálpsamur og góður, þrátt fyrir að vera svakalega lofthræddur og skíthræddur sjálfur knúúúúús.

* tengdó voru búin að tjalda fyrir okkur og allt þegar við komum niður í bása, það var sko alveg frábært!

* siggi danski var bara með hamborgara og brauð til að grilla. hann hafði gengið með þetta í bakpokanum sínum alla leiðina og var kjötið því hálfsoðið eftir alla sólina. þetta var samt grillað - ekkert krydd. til að spæsa upp seinni hamborgarann skellti hann jóa fel rauðpiparsósu og harðfiski á milli og borðaði með bestu lyst gubbbbbbbb

* ausa er ákaflega nafn-minnug, en hún kallaði Bása Búðir, Krossá Þjórsá og Húsadal Húsafell. yndislegt alveg hreint!

jæja áhugasamir geta skoðað myndir!

lýst er eftir...

2005-07-21T12:25:00.000Z

einhverjum sem er búin(n) að horfa á seríu 2 af Ðe Ó Sí. nú er ég að verða hálfnuð með seríuna og þarf nauðsynlega að tala við einhvern á mínu leveli um það sem er að gerast, spá og spekúlera um framhaldið og svo framvegis og svo framvegis. mér liggur svo margt á hjarta í sambandi við þetta, og ég hef engan til að snúa mér til. - nei þetta er ekki grín, mér er dauðans alvara.

af öðru, í gærkvöldi ákváðu þrír fræknir einstaklingar að grilla kveldmat í góða veðrinu. eftir að allir voru tilbúnir var brunað uppí hagkaup til að versla. þegar búið var að hálfylla körfuna, var ákveðið að sleppa þessu helvítis veseni og skella sér bara á Fridays. karfan skilin eftir á miðju gólfi og hlupið út. nú er ég ekki að segja að ég hafi átt einhvern þátt í þessu, en mikið er cesar salatið á fridays gott.

erum komin með nýja gistingu í færeyjum, þar sem það má ekki undir neinu kringumstæðum drekka áfengi á hinu gistihúsinu :o|

2005-07-20T13:29:00.000Z

tryllt veður úti og ég er inni að horfa út um gluggann. ég ætla að vona að þetta haldist svona fram yfir helgi svo hægt verði að ganga hálsinn, þ.e. ef heilsan leyfir. ég vil þakka dísu minni fyrir æðislegt boð í gær, borðaði yfir mig af kjeti og eftirrétti! úfffff ég er enn að jafna mig. fór seint að sofa, en gat ekki sofið vegna líkama míns (þurfti að sofa upprétt :(, en þegar ég náði að dotta þá dreymdi mig hræðilegan draum um kjarnorkusprengju í reykjavík og shitt hvað ég var hrædd, hrökk upp með öndina í hálsinum. ég þarf virkilega að komast sem fyrst heim til að geta sofið eitthvað.

þetta er það sætasta sem ég hef séð! hvuttar (og nokkur kattarógeð) á mynd sem voru teknar með víðlinsu held ég að það heiti. algjör rassgöt!

í fréttum er þetta helst...

2005-07-19T13:41:00.000Z

* steinagrill er algjör snilld, fengum sigurjón húsvin í heimsókn á laugardaginn og grilluðum nautakjöt og kokteilpullur inni í stofu á steinagrillinu. ótrúlega gaman.

* mikið singstar æði hefur gripið um sig í skipasundinu, en þó aðallega þegar ausa svilsí kemur í heimsókn. hefur þetta valdið því oftar en einu sinni að ferð í bæinn ílengjist eða detti af dagskrá alveg.

* er búin að setja inn myndir úr sumarfríinu ásamt nokkrum vel völdum af börnunum okkar.

* settum upp í gær varpkassann handa börnunum, og nú bíðum við bara spennt eftir að eitthvað gerist hjá krúttunum.

* veðrið í Þórshöfn er eiginlega alltaf eins og veðrið í Reykjavík, því má búast við rigningu og leiðindaveðri um versló (ekkert nýtt samt).

* það er geggjað veður úti og ég sit inní landsbó borandi í nefið að deyja úr leiðindum.

* haffa frænka ætlar að grilla fyrir okkur ausu í kveld á svölunum sínum í góða veðrinu.

* taka tvö verður tekinn yfir fimmvörðuhálsinn um helgina - ef veður leyfir. fararstjórar að þessu sinni verða ég og ausa, en það er vonandi að við rötum þetta aftur. sem er mjög líklegt þar sem ég er ratvís með eindæmum.

* af þessu tilefni keypti ég mér göngustafi í hádeginu í dag.

* vonandi er að ég setji eigið hraðamet yfir hálsinn í þessari seinni ferð.

* ég á enn eftir að fara á snæfellsnesið, og nú eru flestar helgar sumarsins upppantaðar í eitthvað annað ævintýr. yfir þessu er ég mjög sár og svekkt.

* ég er búin að ákveða hvað mig langar að taka master í, en ég á eftir að gera það upp við mig hvenær ég læt verða af því. það hræðir mig alveg sérstaklega mikið að ætla að hætta að vinna og missa tekjurnar, maður er orðinn svo góður vanur :(

* eftir rétt rúmlega mánuð byrjar BT aftur í skólanum. þá verður nú gaman hjá honum, en líka kannski mér því þá get ég ausið úr skálum nýfundinnar visku minnar.

* síðasti One tree hill þátturinn var í gær og ómægúddniss, þetta er æsispennandi. mun nathan taka við hayley aftur? mun dan deyja í brunanum? er debbie ekki hætt á pillunum? finnur mamma lucasar andy í nýja sjálandi? hver kveikti í Scott motors? var það keith? mun brooke og lucas byrja aftur saman? kemst sátt á milli payton og mömmu hennar? úff þetta er ótrúlegt.

* hef verið í ganni mínu að dánlóda seríu 2 af The O.C. og men ó men þeir svíkja sko engar væntingar!

ahhhh þetta var nú gott. adjö

já nú er sko tími til að fleygja sér!

2005-07-15T16:54:00.000Z

hvað haldið þið krakkar! jú mikið rétt, ég er að fara til færeyja um verslunarmannahelgina á ólafsvöku!! er búin að hafa þetta lengi bakvið eyrað og velti þessari hugmynd fram í gærmorgun og viti menn, BT og kærastarnir hans urðu þvílíkt spenntir líka og nú erum við að fara 6-7 saman jíhaaaaa. og ekki má gleyma því að krillulingur og júllí verða á staðnum svo þetta verður svaka veisla, því get ég lofað!

og þá þarf maður að fara að æfa sig í færeyskunni. muna að gjalda fyrir matinn, jafnvel með gjaldakorti.

blíðar kveðjur og gleðilega vikaskipti!!

(útleggst á íslensku: bless bless og góða helgi!)

heima er bezt! Ferðasaga part IV

2005-07-15T14:08:00.000Z

eins og gefur að skilja var laugardagurinn ákaflega erfiður, en það sem bjargaði mér algjörlega var að kapteinninn var með hótelherbergi í köben og hún dröslaði mér á fætur snemma morguns til að fara þangað. í strætóinum á leið niður á lestarstöð leið næstum yfir kapteininn sökum þungs lofts og þynnku geri ég ráð fyrir, og þurfti ég að skella henni á öxlina til að koma henni út. en eftir smá ferskt loft og vatnssopa hresstist telpan við. uppá hóteli beið okkar heit sturta og rúm með mjúkri sæng og þar sváfum við í nokkra yndislega klukkutíma. eftir að hafa hent kebab í grímuna á okkur seinnipartinn hittum við krilluling á hoved og héldum aftur á hróann. þá vildi svo til að við misstum af foo fighters mér til mikillar mæðu, en náðum þó Röyksopp - þeirri eðal norsku sveit sem voru/eru að gefa út glænýjan disk sem ég mæli ákaflega mikið með. eitthvað náðum við af green day en þó ekki mikið. þrátt fyrir að hafa gert mjög svo heiðarlega tilraun til að koma öllu sem innihélt áfengi oní mig. ætlaði ekkert að gerast. sama hvað ég reyndi þá neitaði líkaminn mér, og er það svosem skiljanlegt miðað við meðferðina á honum kvöldið áður. en það var að sjálfsögðu haldið sér við efnið fram að Duran Duran sem byrjuðu klukkan 1 um nóttina. það voru frekar fáir á þeim tónleikum, enda kl. 1 aðfaranótt sunnudags kannski ekki heppilegur tími á svona hátíðum, fólk annað hvort löngu dautt eða einhvers staðar útúrtjúttað. en stemmningin var samt engu að síður góð, við vorum allavega alveg sérlega ánægð með þá félaga og sungum hástöfum með gömlu slögurunum. eftir tónleikana var að sjálfsögðu reynt að hella í sig aðeins meiri kokteilum, áður en haldið var uppá tjaldstæði þar sem spilaður var fótbolti við einhverja nossara held ég. ég eyddi svo tveimur tímum í að berjast við skordýr inní tjaldi áður en ég gat sofnað, átti í miklum slagsmálum við eina könguló sem bara vildi ekki gefast upp. ég hélt alltaf að mér hefði tekist að drepa hana, en nei nei þá birtist hún aftur skríðandi í hárinu á mér! ekki nema þær hafi bara verið svona margar... shæse :/

sunnudagurinn leit dagsins ljós með skínandi sól og hita, sem henti manni á fætur í svitabaði og andnauð eins og alla aðra morgna. við ákváðum að fara niðrí roskilde bæinn og eta macca og sú ferð tók svakalega langan tíma. á þessum degi voru flestir í dauðu skapi eins og gefur að skilja, og nennti enginn að hafa fyrir því að horfa á hljómsveitir heldur var bara sofið í tjaldinu allan daginn. við BT stukkum þó á fætur um 6 leytið til að horfa Jamie nokkurn Cullum og hann olli heldur betur ekki vonbrigðum enda snillingur þar á ferð. hann var meirað segja klappaður upp tvisvar af æstum múgnum sem vildi ólmur fá meira að heyra. næstur á svið var Brian Wilson, sem hefur víst eyðilagt sig meira á eiturlyfjum í gegnum tíðina en sjálfur Ozzy-inn, og var hann eins og dauðyfli á sviðinu með lagatextana á tölvuskjám fyrir framan sig. það gerði reyndar lítið gagn því hann var alltaf að gleyma textanum, en þökk sé 20 manna hljómsveit þá bar lítið á því. þetta var samt þrusu gaman, maður þekkti nánast öll gömlu beach boys lögin og fólk dansaði útum allt. interpol voru næstir, þeir voru ágætir - engin sérstök tónlist finnst mér, öll lögin einhvern vegin eins. eftir það var drukkið pínu og haldið heim að sofa.

mánudagur: farið til köben, fundið hótel, borðað, baðað, sofið. yndislegt.
þriðjudagur: heim á frón og kapteininn kvaddur áður en hann hélt til ástralíu.

frábær ferð, og vil ég þakka ferðafélaga númeró únó honum BT kærlega fyrir að vera bestur í heimi og skemmtilegasti ferðafélaginn. einnig vil ég þakka kapteininum fyrir að koma á hróann og þannig gera helgina enn skemmtilegri. síðast en ekki síst þakka ég krillulingi fyrir ómælda gleði sem hún veitti okkur á hróanum.

myndir koma soon.

heima er bezt! Ferðasaga part III

2005-07-14T15:07:00.000Z

það sem gerðist í síðasta áfanga þessa ferðalags var sem hér segist:
við lentum seint að kveldi í köben eftir frekar þreytandi ferðadag, og brunuðum beint á hróann með leigubílstjóra sem rataði ekki lengra en nef hans náði, keyrði útum allar trissur og spurði alla sem hann sá hvar hann væri. lét okkur svo auðvitað borga fyrir rúntinn, en í staðinn sparkaði ég í punginn á honum og skyrpti í augun á honum. á móti okkur tóku hjónin Jói og Krúsi, en ástmaður þeirra herra jonni var dauður inní tjaldi. sem betur fer var þessi ofangreindur ástarþríhyrningur búinn að tjalda fyrir okkur svo við hentum dótinu okkar inní tjald, og ég fór beint oní poka að sofa enda komin hánótt! ég vaknaði spræk sem læk og kát sem slát daginn eftir (fimmtudagur) og arkaði niðrá lestarstöð, brunaði beint til köben til að hitta ástkonu mína Captain B, sem var í vellystingum á hóteli í köben. við tókum túristann á þetta, löbbuðum strikið, nyhavn og fórum í klukkutíma bátsferð um svæðið. síðan var ekki seinna vænna en að skella sér í sturtu, blása hárið og túpera toppinn og skella grímunni á sig, og drulla sér á hovedbane til að ná einhverjum tónlistaratriðum á hróanum. til allrar hamingju hittum við krillu og júlla þar og vorum samferða á svæðið. heppnin og hamingjan hélt áfram þar sem að búið var að taka frá tjaldsvæði fyrir þau hjónin næstum við hliðiná okkar tjaldi. þá var nú aldeilis sungið og dansað og nokkur gleðitár féllu.

jæja, við kapteinninn urðum viðskila við þau hjónin þetta kvöldið og örkuðum sem leið lá á tónleikasvæðið, sáum í rassinn á Sonic Youth og hristum okkur eilítið við Velvet Revolver á meðan töskurnar af bjór þutu ofan í okkur. við stöllur erum ekki gáfaðri en svo að við ætluðum að hlusta á Le Tigre á einu sviði en vorum alltaf að bíða hjá vitlausu sviði og vorum bara aldeilis hissa á því að þær komu aldrei fram. jæja á slaginu 22 byrjuðu svíarnir í kent og kapteininn fékk raðfullnægingar við að hlusta á goðin sín. ég sem þekki lítið til þessar hljómsveitar þóttist raula með á meðan ég raðaði oní mig ölunum. eftir þetta geim var haldið í afríska tjaldið þar sem tekinn var einþáttungur úr Pride and Predjudice, og saminn var alveg glænýr stórgóður dans. nú tók kvöldið skemmtilegan kipp þar sem að við kynntumst svíanum Hampus Holm, sem fór með gamanmál með öllum hreimum, og honum fannst við svo skemmtilegar að hann kom með okkur uppá tjaldsvæði og fór með gamanmál þar líka.

jæja já, föstudagurinn byrjaði ágætlega, geggjað veður heilsaði manni með svitabaði og andnauð inní tjaldi um morguninn - þá var aðeins eitt til ráða: fara á Gringo's og raða í sig kokteilunum (þetta er án efa mesti snilldarbar í öllum heiminum, kokteilar af öllum stærðum og gerðum og svaðalega ljúffengir). mugison tryllti lýðinn um eitt leytið og þá var farið aftur á gringo, legið þar í sólinni, raðað í sig endalaust af strawberry daquiri, áður en haldið var á snoopann sem hélt þrusugóða tónleika. þar á eftir tók audioslave við, og glöddu okkur mikið - sérstaklega þegar chrissinn tók black hole sun einn á kassagítar, og svo enduðu þeir á killing in the name of sem var ekki síðra. eftir þetta var smá bið í tónleikana sem við biðum öll spennt eftir, og þá var um að gera að kaupa eina hvítvínsfernu á kjaft og raða ofaní sig léttvíninu til að ná fram svolítilli ölvun. við sátum semsagt 5 (ég, BT, Kapteinn, Krillos og Jonnos) að ræða heimsmálin (trúarbrögð, þróun mannkyns, geiminn svo eitthvað sé nefnt), drukkum hvítvín eins og okkur væri borgað fyrir það og biðum spennt eftir Ozzy boy. allt þetta hvítvínssull orsakaði mikla ölvun hjá undirritaðri, sem man þó eftir þrusustemmara á black sabbath og að hafa haldið reiðilestur yfir krillunni um kommúnisma. eftir tónleikana var farið í afríska tjaldið, en þar var eitt af hápunktum hátíðarinnar fyrir mér, hann Femi Kuti - svakalega var gaman á því. nú var heldur betur farið að síga á ógæfuhliðina hjá mér, ég sofnaði næstum svefninum langa fyrir utan tónlistartjaldið og þurfti BT næstum því að halda á mér heim á tjaldsvæði, en sú ferð tók örugglega um 3 tíma (tekur vanalega hálftíma) vegna ölvunar minnar - en ég datt víst nokkuð oft, tók æðisköst og lá grenjandi í götunni (af því það var svo langt eftir uppí tjald!!). o sei sei svona gerist við mikið þamb. hátíðin hálfnuð....

framhald síðar.

heima er bezt! Ferðasaga part II

2005-07-13T09:56:00.000Z

já jæja, dagur númer tvö á benedorm: fórum í Mundomar sem er sædýragarður með höfrunga - og páfagaukasýningum ásamt fullt af skemmtilegum dýrum. við gátum nú alveg týnt okkur í þeim garði. eftir það fórum við í einn stærsta skemmtigarð evrópu er mér sagt, Terra Mitica, en hann inniheldur víst stærsta rússíbana spánar, en við létum hann vera þar sem BT var enn grænn og hvítur til skiptis eftir þetta tæki:

eftir þennan viðburðarríka dag reyndum við að finna annað hótelherbergi þar sem að við gátum ekki haldið hinu - við grétum saman yfir því. það kvöld fórum við út að borða á mjög svo flottum ítölskum veitingastað en þjónustan og maturinn var hörmung. undir lokin var kokkurinn kominn fram til að afgreiða og þjóna því hinir tveir þjónarnir voru með allt niðrum sig.

eníhú, daginn eftir var ekkert því til fyrirstöðu að bruna beint til bæjarins Sitges sem er rétt fyrir utan Barcelona. Þessi staður er víst mjög þekktur hommastaður og þar er sér hommaströnd þar sem allir eru naktir. ég held að án gríns höfum við orðið fyrir soldlu menningarsjokki þarna - enda einföld reykjavíkurbörn með eindæmum. þó svo að það hafi verið fullt af fjölskyldufólki og streit pörum þá var yfirgnæfandi hátt hlutfall af hommum þarna - og þvílík mannfólksdýrð. við sátum á aðalgöngugötunni 3 kvöld í röð að borða og drekka, og sátum þarna í örugglega 3 tíma, orðlaus, gapandi yfir öllu mannfólkinu. mikið skemmtum við okkur vel yfir þessu!!! við meirað segja fórum á drag sjó að sjá hana Rafaellu í sveittustu kjallaraholu sem ég hef séð, og hommar á öllum aldri (elsti var um áttrætt) biðu spenntir eftir þessu. við heilluðumst ekkert sérlega af þessu, enda ég litin illum augum en BT hefur nú örugglega fengið nokkur klip í rassinn.
Við heimsóttum að sjálfsögðu Barcelona þar sem við versluðum og BT fékk loksins alvöru pitsu á pitsa hött.

þá lá leiðin til köben.
framhald síðar... og vonandi myndir :)

heima er bezt! Ferðasaga part I

2005-07-12T10:34:00.000Z

nú er vika síðan við hjónin snerum aftur á skerið, og hefur þessi síðasta vika farið í að jafna sig eftir ferðina, sofa, þvo þvott og halda afmælispartý. nú er svo komið að ég get engan veginn hlaupist lengur undan þeirri ábyrgð að blogga, og hefjafst því skrifin.

Ég og BT flugum til Malaga ásamt karli föður mínum þann 16.júní til að hitta móður mína, systur, mág og frændsystkin í bænum Nerja. þar vorum við í viku á yndislegum stað í góðri íbúð, og það var veisla hvert kvöld. dögunum var að mestu eytt í sólbað eftir bestu getu, en við hjónin brunnum bæði svakalega fyrsta daginn (BT þurfti að vera inni í 2 daga, ég var aðeins skárri). um eftirmiðdaginn gæddum við okkur alltaf á sama matnum á sama staðnum (af því það var svo gooooott!!) Á 17.júní suðum við samt íslenskt hangikjöt í tilefni dagsins og prýddum svalirnar hjá mömmu&pabba með íslenska fánanum (enda þjóðrækin fjölskylda með eindæmum - Ísland, bezt í heimi!!).

en jæja allir góðir hlutir enda einhvern tímann og því var farið á bílaleigu og leigt sér glænýjan peugeot blæjubíl, ekinn aðeins 7000 km. eftir að hafa kvatt alla með tárum var haldið af stað austur meðfram strandlengjunni, en eins og von er á föttuðum við eftir hálftíma akstur að við höfðum gleymt að skila hótellyklinum og urðum við því að snúa aftur.

fyrsta stopp var bæinn mojácar, sem er án efa mesta skítapleis sem fundið hefur verið upp í heiminum. 7 km frá bænum var bærinn garuccha, og leigubílar á svæðinu voru samtals 1. þegar við vorum loksins búin að finna hótel þarna þá vorum við að glorast úr hungri og ætluðum aldeilis að borða pitsu einhverstaðar (en BT vildi helst ekkert annað í matinn en pitsu þarna úti) og fór allt kvöldið í bið eftir leigubíl, leit eftir matsölustað sem seldi ekki nýveitt slor, og fengum loksins pitsu klukkan 11 um kvöldið. Þetta var akkúrat um jónsmessunótt en það er haldið hátíðlegt um allan spán með tilheyrandi veisluhöldum og því ekki séns í helvíti að ná að nappa eina leigubílstjórann á svæðinu og þurftum við því að labba tilbaka á hótelið sem var hræðilega leiðinlegt.

en ekki þýðir að gráta björn bónda, daginn eftir fórum við í go kart og er það eini kosturinn við smábæinn garuccha. síðan fórum við vatnagarð í nágrenni borgarinnar Vera áður en haldið var til Benedorm. Vegna fyrrum veru BT á þessum stað gátum við svona nokkurn veginn ratað þarna um, og fengum herbergi á besta hóteli í heimi sem ég mun aldrei gleyma. í fyrsta lagi fengum við herbergi á góðum stað, sundlaugin var yndisleg þar sem ég synti meðan BT sat sundlaugarbarnum, en á þeim barnum fengum við eðal þjónustu hjá gamla fyndna barþjóninum og bestu ólivíur í heimi! síðan var fullt af hundum á hótelinu og það setur bara plús í kladdann hjá jafn einföldu fólki og okkur.

framhald von bráðar...

Myndablogg

2005-06-25T21:46:00.000Z

Vid ad vespast í 40 stiga hita og sòl!

Myndina sendi ég

Knúið af GSMBloggi Og Vodafone

Myndablogg

2005-06-18T09:18:00.000Z

BT vildi leggja sig í sòlinni en samt ekki brenna!

Myndina sendi ég

Knúið af GSMBloggi Og Vodafone

Myndablogg

2005-06-18T09:16:00.000Z

Ùtsynid af svölunum okkar 30 stiga hiti sòl og logn :)

Myndina sendi ég

Knúið af GSMBloggi Og Vodafone

af hálsi

2005-06-13T12:50:00.000Z

jæja þetta hafðist! varð hvorki úti né drapst af áreynslu á fimmvörðuhálsinum, komst tiltölulega heil á bása - ekki á mettíma - þó svo að göngulag mitt hafi tekið á sig mynd áttræðrar konu síðan. en þetta var algjör snilld, skemmti mér konunglega þrátt fyrir ýmsa annmarka eins og til dæmis tjaaa ömurlegt líkamlegt ástand mitt, en því verður kippt í liðinn við fyrsta tækifæri og þá örkum við BT þetta. hef aldrei farið í svona fjallgöngu áður - útsýnið og allt sem maður sá var stórkostlegt. ekki spillti geggjað veður fyrir. algjörlega ógleymanleg ferð. síðan var etið og drukkið fram eftir nóttu, spilaðir ýmsir vafasamir drykkjuleikir... ótrúlegt að ég hafi náð að halda mér vakandi í svona langan tíma miðað við hvað líkaminn minn var alveg búinn. en frábær helgi, og vil ég þakka ausu svilsí minni sérstaklega fyrir ferðina og nenna að hanga með mér á röltinu mínu yfir hálsinn þegar hún sjálf hefði getað hlaupið þetta ;)

3 dagar í útlönd!!!!!

ps. ég er ástfangin af nýja svefnpokanum mínum. æ lovv itt

Myndablogg

2005-06-13T09:18:00.000Z

Myndina sendi ég

Knúið af GSMBloggi Og Vodafone

2005-06-10T12:10:00.000Z

við bt fórum í morgun að ná í bakpokana okkar í tollinum. eins og dyggir lesendur vita voru þetta 2 glænýjir 100 lítra bakpokar - mjög flottir - og samanlagt verð beggja með sendingarkostnaði og tolli = tæpur 11.000 kr. Tökum sem dæmi til samanburðar nýjan 75 lítra bakpoka úr intersport - ekki nærri nærri eins flottur - kostar krónur 23.990 (eitt stykki!!)

sko maður er alltaf að græða, enda er internetið algjör snilld! hvar værum við fátækir íslendingar fastir á eyju með okurverði á öllu án þess.

fékk líka buxurnar mínar frá USA, á bara eftir að koma í ljós hvort maður passi í herlegheitin :|

af öðru, ausa svilsí hefur ákveðið að koma með í gönguna miklu á morgun og er ég ákaflega glöð. þetta verður geggjað gaman, ég er að deyja úr spenningi og það er svo margt sem á eftir að gera í dag svo ég verði ekki úti uppá hálendi sbr. ungmennin 5 sem dóu á þessari leið fyrir mörgum mörgum árum síðan. ætli þau hafi verið í réttu göngusokkunum og í flíspeysu? maður þorir allaveganna ekki að taka áhættuna ðats for sjor.

læt fylgja með eina mynd af svilsí til að kæta og bæta.